मानसिक सुदृढतेसाठी खेळ अनिवार्य – हर्षवर्धन पाटील
पिंपरी, पुणे (दि. २ मार्च २०२५): विद्यार्थ्यांच्या सर्वांगीण विकासासाठी शिक्षणासोबतच खेळ अनिवार्य आहेत. स्पर्धात्मक युगात मानसिक सुदृढतेसाठी खेळांचा सहभाग आवश्यक आहे, असे मत पीसीईटीचे विश्वस्त व पीसीयुचे कुलपती हर्षवर्धन पाटील यांनी व्यक्त केले.
‘युवोत्सव २०२५’ या तीन दिवसीय आंतरमहाविद्यालयीन क्रीडा स्पर्धेचा समारोप शनिवारी (दि. १ मार्च) एस. बी. पाटील इन्स्टिट्यूट ऑफ मॅनेजमेंट, निगडी येथे पारितोषिक वितरणाने झाला. या स्पर्धेत फुटबॉल, बॉक्स क्रिकेट, बॅडमिंटन आणि व्हॉलीबॉल या क्रीडा प्रकारांमध्ये १४५ संघांनी सहभाग घेतला.
स्पर्धेतील विजेते संघ:
▶ फुटबॉल: प्रथम – गरवारे कॉलेज ऑफ कॉमर्स, उपविजेते – श्री बालाजी विद्यापीठ
▶ बॉक्स क्रिकेट (पुरुष): प्रथम – डी. वाय. पाटील आयएमएस, आकुर्डी, उपविजेते – पीसीसीओई, निगडी
▶ बॉक्स क्रिकेट (महिला): प्रथम – पीसीसीओईआर, रावेत, उपविजेते – झील कॉलेज
▶ बॅडमिंटन (पुरुष): प्रथम – आनंद बोरा (एमआयटी डीई), उपविजेते – रितेश निम्हाळ (पीसीसीओई)
▶ बॅडमिंटन (महिला): प्रथम – परिनीत मगदूम (बाबुरावजी घोलप कॉलेज, सांगवी)
▶ व्हॉलीबॉल: प्रथम – मॉडर्न कॉलेज, शिवाजीनगर, उपविजेते – पीसीसीओई, निगडी
युवोत्सवात मान्यवरांची उपस्थिती
उद्घाटन सोहळ्यासाठी अभिनेत्री सोनाली कुलकर्णी, पिंपरी चिंचवड मनपाचे अतिरिक्त आयुक्त प्रदीप जांभळे पाटील आणि आरजे अक्षय उपस्थित होते. समारोप कार्यक्रमास उद्योजक नरेंद्र लांडगे, अजिंक्य काळभोर आणि एस. बी. पाटील मॅनेजमेंट इन्स्टिट्यूटच्या संचालिका डॉ. किर्ती धारवाडकर उपस्थित होत्या.
पालक, विद्यार्थी आणि शिक्षक यांची महत्त्वपूर्ण भूमिका
“विद्यार्थ्यांनी खेळांमध्ये सक्रीय सहभाग घेतल्यास मानसिक आणि शारीरिक सुदृढता सुधारते. पालकांनी देखील आपल्या पाल्यांना खेळात प्रोत्साहित करणे गरजेचे आहे,” असे हर्षवर्धन पाटील यांनी सांगितले.
युवोत्सव २०२५ – खेळाडूंसाठी प्रेरणादायी मंच
पीसीईटीच्या ज्ञानेश्वर लांडगे, पद्मताई भोसले, विठ्ठल काळभोर, शांताराम गराडे यांसह संस्थेच्या प्रमुखांनी विजेत्या खेळाडूंचे अभिनंदन केले. स्पर्धा यशस्वी करण्यासाठी प्रा. डॉ. काजल माहेश्वरी, डॉ. अनिषकुमार कारिया, डॉ. अमरीश पद्मा यांनी समन्वयक म्हणून भूमिका बजावली.
