– तमाम शिव-शंभू प्रेमींच्या स्वप्नाची पूर्तता
– हिंदुत्ववादी आमदार महेश लांडगे यांच्या संकल्पनेचा भव्य आकृतिबंध
पिंपरी-चिंचवड | प्रतिनिधी
“शंभूराजे पुन्हा इतिहास घडवत आहेत!” – कारण, हिंदवी स्वराज्याचे महान सेनानी धर्मवीर छत्रपती संभाजी महाराज यांचा जगातील सर्वात उंच पूर्णाकृती पुतळा लवकरच महाराष्ट्राच्या मातीत साकारत आहे.
या ‘स्टॅच्यू ऑफ हिंदुभूषण’ च्या भव्य प्रकल्पाचा शुभारंभ पाद्यपूजन विधीने आज करण्यात आला. पिंपरी-चिंचवडकरांसाठी आणि तमाम शिवभक्तांसाठी हा एक ऐतिहासिक क्षण ठरला!
शिवरायांचे तेज पुन्हा झळाळणार!
पिंपरी-चिंचवडच्या मोशी- बोऱ्हाडेवाडी येथे भारतीय जनता पार्टीचे नेते आणि हिंदुत्ववादी आमदार महेश लांडगे यांच्या पुढाकाराने उभारला जाणारा हा पुतळा जगातील सर्वांत उंच छत्रपती संभाजी महाराजांचा पूर्णाकृती पुतळा असेल.
यावेळी ग्रामस्थ, शिवशंभू विचारांचे कार्यकर्ते आणि हजारो शिवप्रेमींनी मोठ्या उत्साहात सहभाग घेतला.
आमदार महेश लांडगे म्हणाले:
“शंभूराजांचा हा भव्य पुतळा महाराष्ट्राच्या अभिमानाचा नवा अध्याय असेल. हा केवळ पुतळा नाही, तर हिंदू संस्कृतीच्या तेजाचे प्रतीक आहे!”
‘स्टॅच्यू ऑफ हिंदुभूषण’ – एक भव्य स्वप्न साकारत आहे!
१४० फूट उंच छत्रपती संभाजी महाराजांचा पूर्णाकृती पुतळा
४० फूट उंच भव्य चौथरा
१० फूट उंचीचा सरसेनापती हंबीरराव मोहिते यांचा पुतळा
१६ सरदार आणि मावळ्यांचे १० फूट उंच पुतळे
ओपन एअर थिएटर आणि ऐतिहासिक प्रसंगांवरील ब्राँझ म्यूरल्स
शंभूराजांची गाथा सांगणाऱ्या एलईडी स्क्रीन आणि हॉलोग्राफिक प्रेझेंटेशनची व्यवस्था
शिवभक्तांसाठी ऐतिहासिक प्रेरणा!
“आजपासून बलिदान मास सुरू होत आहे आणि याच दिवशी छत्रपती संभाजी महाराजांच्या भव्य पुतळ्याचे पाद्यपूजन होत आहे, हा एक दुर्मिळ योगायोग आहे. शंभूराजांच्या स्मरणाने हिंदवी स्वराज्याची मशाल पुढे नेण्याची जबाबदारी आपली आहे!”
महेश लांडगे, आमदार, भोसरी विधानसभा, भाजपा, पिंपरी-चिंचवड, पुणे.
