पिंपरी-चिंचवड | आज राष्ट्रसंत गाडगेबाबा यांच्या जयंतीनिमित्त पिंपरी-चिंचवड शहरात विदर्भ आणि खानदेश भागातील समाजबांधवांनी उत्साहात कार्यक्रम साजरा केला. विविध मंडळांनी आयोजित केलेल्या या सोहळ्यात कीर्तन, प्रवचन, व सामाजिक उपक्रमांचे आयोजन करण्यात आले.
या विशेष कार्यक्रमाला प्रमुख पाहुणे म्हणून सामाजिक कार्यकर्ते विशाल भाई जाधव तसेच त्यांच्यासोबत निखिल दळवीही उपस्थित होते. उपस्थित मान्यवरांनी गाडगेबाबांच्या विचारधारेचा जागर करत समाजसेवेचा संदेश दिला.
गाडगेबाबांच्या शिकवणींना अनुसरून स्वच्छता मोहिम, गरजूंसाठी मदतकार्य, तसेच विविध सामाजिक उपक्रमांचे नियोजन करण्यात आले होते. या सोहळ्यात समाजबांधवांनी मोठ्या संख्येने सहभाग घेत “जय गाडगे बाबा!” च्या जयघोषाने परिसर दणाणून सोडला.
हा कार्यक्रम सर्वांसाठी प्रेरणादायी ठरला असून, समाजसेवेच्या नव्या दिशा दाखवणारा ठरला, असे मत उपस्थित मान्यवरांनी व्यक्त केले.
