“ताज्या बातम्या | Phoenix News Metro वर ब्रेकिंग न्यूज आणि लाइव्ह अपडेट्स” राजकीय आणि उद्योग
पालिकेच्या उपक्रमांमुळे बालकांच्या शिक्षणाचा दर्जा उंचावणार
अधिकाऱ्यांचा विश्वास: “We Are Together For Each Other”
पिंपरी, दि. ११ मार्च २०२५ – पिंपरी चिंचवड महानगरपालिकेच्या बालवाड्यांमध्ये शैक्षणिक दर्जा सुधारण्यासाठी आणि मुलांना समृद्ध शिक्षणाचा अनुभव देण्यासाठी महत्त्वपूर्ण उपक्रमांची अंमलबजावणी सुरू आहे. या उपक्रमांमध्ये हस्तपुस्तिका निर्मिती, मास्टर ट्रेनर्सची नियुक्ती, क्लस्टर मिटिंग्स, विशेष कार्यशाळा आणि पालक सहभाग वाढवण्याच्या योजना यांचा समावेश आहे. या प्रयत्नांमुळे बालवाडी शिक्षण अधिक सुसूत्र आणि परिणामकारक बनत आहे.
शिक्षकांसाठी हस्तपुस्तिका: एकसंध अभ्यासक्रमाचा पाया
महापालिकेच्या शिक्षण विभागाने आकांक्षा फाउंडेशन आणि इतर संस्थांच्या सहकार्याने बालवाडी शिक्षिकांसाठी विशेष हस्तपुस्तिका तयार केली आहे. शिक्षण तज्ज्ञ, समन्वयक आणि ५० निवडक शिक्षिकांच्या मार्गदर्शनातून ही पुस्तिका विकसित करण्यात आली. ही हस्तपुस्तिका सर्व बालवाड्यांमध्ये वितरित करण्यात आली असून तिच्या आधारे शिक्षण एकसंध आणि परिणामकारक बनले आहे.
मास्टर ट्रेनर्स आणि क्लस्टर मिटिंग्समुळे शैक्षणिक सुसूत्रता
शिक्षिकांना अधिक प्रभावी प्रशिक्षण देण्यासाठी प्रत्येक विभागातून १६ मास्टर ट्रेनर्स निवडण्यात आले आहेत. हे मास्टर ट्रेनर्स नियमित प्रशिक्षण घेत असून ते इतर शिक्षिकांना मार्गदर्शन करतात. ८ क्लस्टर मिटिंग्सच्या माध्यमातून सर्व शिक्षिकांना एकत्र येऊन नवीन अध्यापन पद्धतींचे प्रशिक्षण दिले जात आहे. यामुळे शिक्षण पद्धतीत सातत्य आणि गुणवत्ता राखली जात आहे.
दरमहा कार्यशाळा आणि शिक्षक प्रशिक्षणामुळे शिक्षण अधिक परिणामकारक
बालवाडी मुलांच्या भाषिक, गणनपूर्व, सामाजिक आणि शारीरिक विकासासाठी दरमहा शिक्षक कार्यशाळा घेतल्या जातात. या कार्यशाळांमध्ये प्रत्यक्ष डेमोसह नवीन अध्यापन तंत्र शिकवले जाते. गेल्या दोन वर्षांपासून या प्रशिक्षणामुळे मुलांमध्ये लक्षणीय सुधारणा दिसून येत आहे.
पालक सहभाग वाढवण्यावर भर
मुलांच्या समग्र विकासासाठी पालकांचा सहभाग अत्यंत महत्त्वाचा असतो. त्यामुळे पालिकेने नियमित पालकसभा आयोजित करण्यावर भर दिला आहे. पालकांना बालकांच्या शैक्षणिक आणि मानसिक विकासाबद्दल माहिती देणे, शिक्षणाच्या विविध टप्प्यांबद्दल जागरूक करणे आणि घरी शिक्षणाची पुनरावृत्ती करण्यासाठी मार्गदर्शन असे या उपक्रमाचे उद्दिष्ट आहे.
हे ही वाचा
आधार कार्ड अपडेट: केंद्र सरकारने घेतला महत्त्वाचा निर्णय, नागरिकांसाठी मोठा दिलासा!
बालवाड्यांमध्ये घडलेल्या सकारात्मक बदल
✅ सर्व बालवाड्यांसाठी एकसंध अभ्यासक्रम लागू
✅ ९ समन्वयकांची नियुक्ती, २११ शिक्षिकांचे विशेष प्रशिक्षण
✅ क्लस्टर मिटिंग्सची प्रभावी अंमलबजावणी
✅ दर ३ महिन्यांनी बालकांचे निरीक्षण आणि प्रगती नोंदणी
✅ पालक सहभाग वाढवण्यासाठी नियमित पालकसभा आयोजित
Phoenix Metro News | Breaking & Latest News Updates | Live News, Politics & Business
अधिकाऱ्यांचा विश्वास: “We Are Together For Each Other”
> “हस्तपुस्तिका, कार्यशाळा, मास्टर ट्रेनर्स, क्लस्टर मिटिंग्स आणि समन्वयकांच्या मदतीने शिक्षण अधिक प्रभावी होत आहे. ‘We Are Together For Each Other’ या तत्त्वावर आधारित हा उपक्रम भविष्यातही अधिक प्रभावीपणे राबवण्याचा महापालिकेचा संकल्प आहे.”
– प्रदीप जांभळे पाटील, अतिरिक्त आयुक्त
पिंपरी चिंचवड महापालिका
“ताज्या बातम्यांसाठी Phoenix Metro News ला फॉलो करा आणि लोकल न्यूज आणि ब्रेकिंग अपडेट्स मिळवा!”
