गुढीपाडवा शोभायात्रा 2025 मोशी
आमदार महेश लांडगे यांच्या पुढाकाराने भव्य आयोजन – मोठ्या संख्येने सहभागी व्हा!
गुढीपाडव्याच्या स्वागतासाठी खास वेशभूषा स्पर्धा आणि आकर्षक बक्षिसे
पिंपरी-चिंचवड | प्रतिनिधी
गुढीपाडवा म्हणजे हिंदू नववर्षाची सुरुवात! या पावन पर्वावर मोशी येथे भव्य शोभायात्रेचे आयोजन करण्यात आले असून, विशेष म्हणजे यंदा या शोभायात्रेचे नेतृत्व महिला करणार आहेत. परंपरा आणि संस्कृतीच्या साक्षीने निघणाऱ्या या शोभायात्रेत महिलांचे झांज पथक, ढोल-ताशा पथक आणि मर्दानी खेळांचे सादरीकरण मुख्य आकर्षण असणार आहे.
भाजपाचे हिंदूत्ववादी नेते आणि भोसरी विधानसभा आमदार महेश लांडगे यांच्या पुढाकाराने ही शोभायात्रा संपन्न होत आहे. रविवारी (दि. ३०) सकाळी ७ वाजता मोशीतील वूड्स विले सोसायटीपासून यात्रेला सुरुवात होणार आहे. शिवरस्ता ते स्वराज रेसिडेन्सी चौक हा मार्ग शोभायात्रेसाठी सजवण्यात येणार आहे.
महिला साजरे करणार गुढीपाडव्याचे वैभव
परंपरेचे जतन आणि महिला सबलीकरण याचा संगम साधत, महिलांच्या नेतृत्वाखाली ही शोभायात्रा संपन्न होणार आहे. यात विशेषतः झांज पथक, ढोल-ताशा पथक, लेझीम, तलवारबाजी, भाला फिरवणे यासारख्या मर्दानी खेळांचे प्रदर्शन होणार आहे. महिलांची उत्स्फूर्त सहभागी ही शोभायात्रेचे प्रमुख वैशिष्ट्य असणार आहे.
हे हि वाचावे
वेशभूषा स्पर्धा व आकर्षक बक्षिसे
गुढीपाडव्याच्या पार्श्वभूमीवर वेशभूषा स्पर्धेचे आयोजन करण्यात आले आहे. पारंपरिक वेशभूषा परिधान केलेल्या लहान मुला-मुलींसाठी खास बक्षिसे ठेवण्यात आली आहेत. प्रत्येक सहभागीला फेटे आणि पारंपरिक वेशभूषेचा मान मिळणार आहे.
हिंदू पंचांग आणि गुढीपाडवा माहिती साठी येथे क्लिक करा
संस्कृतीचा गौरव आणि उत्सवाचे माहोल
या शोभायात्रेच्या निमित्ताने हिंदू नववर्षाचे स्वागत मोठ्या उत्साहात केले जाणार आहे. उत्सवाच्या तयारीसाठी नागरिकांमध्ये कमालीचा उत्साह पाहायला मिळत आहे. पारंपरिक ढोल-ताशांचा निनाद, भगवी पताकांची शान आणि संस्कृतीचा अभिमान या शोभायात्रेच्या माध्यमातून दिसून येईल.
महेश लांडगे यांचे आवाहन:
“नववर्षाच्या स्वागताबरोबरच आपल्या परंपरांचे जतन व्हावे, म्हणून दरवर्षी शोभायात्रेचे आयोजन होते. यंदाच्या शोभायात्रेत महिलांचे नेतृत्व आणि सहभाग विशेष महत्त्वाचा आहे. आपल्या संस्कृतीचा अभिमान जपत मोठ्या संख्येने नागरिकांनी या यात्रेत सहभागी व्हावे.”
महेश लांडगे, आमदार, भोसरी विधानसभा, भाजपा पिंपरी-चिंचवड, पुणे.
