Phoenix Metro News | Breaking & Latest News Updates | Live News, Politics & Business
“सायबर सुरक्षेची महत्वाची कार्यशाळा – रयत विद्यार्थी विचार मंच आणि GOYN ने दिले डिजिटल ज्ञान!”
पिंपरी : डिजिटल युगात सायबर सुरक्षेचे महत्त्व ओळखून रयत विद्यार्थी विचार मंच आणि GOYN (ग्लोबल अपॉर्च्युनिटी युथ नेटवर्क) यांच्या संयुक्त विद्यमाने मोरवाडी, पिंपरी येथील औद्योगिक प्रशिक्षण संस्थेत (ITI) दोन दिवसीय “सायबर क्राईम जनजागृती” कार्यशाळा आयोजित करण्यात आली.
विद्यार्थ्यांसाठी सायबर सुरक्षेवर सखोल मार्गदर्शन
या कार्यशाळेत सायबर तज्ज्ञांनी सायबर गुन्हे, ऑनलाइन फसवणूक, सोशल मीडिया सुरक्षितता, डिजिटल साक्षरता आणि स्वतःचे संरक्षण कसे करावे यावर माहिती दिली.
“सायबर सुरक्षा काळाची गरज” – चंद्रकांत इंदलकर
प्रमाणपत्र वितरण प्रसंगी पिंपरी चिंचवड महानगरपालिकेचे सहआयुक्त चंद्रकांत इंदलकर, ITI मोरवाडीचे प्राचार्य शशिकांत पाटील, ॲड. धम्मराज साळवे आणि श्रीयश कदम यांच्या हस्ते विद्यार्थ्यांना प्रमाणपत्र प्रदान करण्यात आले.
यावेळी चंद्रकांत इंदलकर यांनी मार्गदर्शन करताना सांगितले, “विद्यार्थ्यांनी सायबर सुरक्षेविषयी जागरूक राहणे अत्यंत महत्त्वाचे आहे. आजच्या काळात प्रत्येकाने डिजिटल सावधगिरी बाळगायला हवी.”
"ताज्या बातम्या | Phoenix News Metro वर ब्रेकिंग न्यूज आणि लाइव्ह अपडेट्स" राजकीय आणि उद्योग
विद्यार्थ्यांना मिळाले डिजिटल सुरक्षेचे मार्गदर्शन
कार्यक्रमादरम्यान चंद्रकांत इंदलकर आणि शशिकांत पाटील यांचा भारतीय संविधानाच्या प्रस्ताविकेच्या प्रती देऊन प्रगती कोपरे व सागर गायकवाड यांनी सन्मान केला.
ही कार्यशाळा यशस्वी करण्यासाठी प्रगती कोपरे आणि संतोष शिंदे यांनी विशेष योगदान दिले. 150 हून अधिक विद्यार्थ्यांनी या कार्यशाळेत सक्रिय सहभाग घेतला.
सायबर क्राईम बद्दल तक्रार नोंदवण्यासाठी संकेतस्थळ
सायबर सुरक्षेच्या दिशेने ठोस पाऊल!
सायबर गुन्ह्यांपासून सुरक्षित राहण्यासाठी अशा कार्यशाळांचे आयोजन भविष्यात अधिक प्रमाणात होणे गरजेचे आहे. रयत विद्यार्थी विचार मंच आणि GOYN यांनी घेतलेला पुढाकार विद्यार्थ्यांसाठी अत्यंत उपयुक्त ठरला आहे.
