विद्यानंद भवन हायस्कूल, निगडी: सलग यशाची परंपरा कायम, १००% निकालाची घवघवीत कामगिरी

SSC परीक्षेत विद्यानंद भवन हायस्कूल निकाल 2025 मध्ये टॉपर कोण?

पिंपरी-चिंचवड | १३ मे २०२५

महाराष्ट्र राज्य माध्यमिक आणि उच्च माध्यमिक शिक्षण मंडळाच्या वतीने घेण्यात आलेल्या दहावीच्या परीक्षेचा निकाल आज जाहीर झाला आहे. निगडी येथील नामांकित विद्यानंद भवन हायस्कूलने यंदाही आपली यशस्वी परंपरा कायम ठेवत १००% निकालाची घवघवीत कामगिरी केली आहे.

या वर्षी एकूण १५१ विद्यार्थी परीक्षेला बसले होते. त्यामधून –

८४ विद्यार्थ्यांनी ‘विशिष्ट गुण’ मिळवले,

५० विद्यार्थ्यांनी ‘प्रथम श्रेणी’,

तर ७ विद्यार्थ्यांनी ‘द्वितीय श्रेणी’ मिळवली.

शाळेतील गुणवंत विद्यार्थी:

पूर्वा राकेश पगारे – ९७.६०% (शाळेत प्रथम)

रुही फडणीस – ९६.६०% (शाळेत द्वितीय)

चेतना चंदन – ९६% (शाळेत तृतीय)

पूर्वा पगारे हिने कोणताही खाजगी क्लास न लावता केवळ शाळेतील शिक्षकांचे मार्गदर्शन आणि स्वतःचा अभ्यास याच्या जोरावर हे यश मिळवले आहे. तिच्या जिद्द, चिकाटी आणि आत्मविश्वासाचे अनेक स्तरांतून कौतुक होत आहे.

शाळेच्या यशामागील प्रेरणास्थानी:

शाळेच्या या यशस्वी वाटचालीबद्दल अध्यक्ष डॉ. भरत चव्हाण पाटील, संचालक डॉ. श्वेता भरत चव्हाण पाटील, सचिव प्रा. डी. आर. करनुरे आणि प्राचार्य श्री. सिरिल अँथनी जगन यांनी सर्व विद्यार्थ्यांचे, पालकांचे व शिक्षकांचे अभिनंदन केले. तसेच विद्यार्थ्यांच्या उज्ज्वल भविष्यासाठी शुभेच्छाही दिल्या.