प्रभाग क्रमांक ११ शरदनगर परिसरात अखेर संपली वीजेची डोकेदुखी
प्रभाग ११ मधील नागरिकांच्या प्रश्नासाठी महेशदादा लांडगे आणि निलेशदादा नेवाळे यांची ठोस कृती
पिंपरी-चिंचवड | प्रतिनिधी :
शरदनगर परिसरातील नागरिकांना गेल्या अनेक दिवसांपासून भेडसावत असलेल्या वारंवार वीजखंडितीच्या गंभीर समस्येवर अखेर तोडगा निघाला आहे. दमदार आमदार महेशदादा लांडगे आणि सामाजिक कार्यकर्ते निलेशदादा नेवाळे यांच्या अथक प्रयत्नांमुळे शरदनगर येथील हनुमान मंदिर शेजारी 200 HP क्षमतेचा नवीन ट्रान्सफॉर्मर बसवण्यात आला आहे.
या परिसरात वाढत्या लोकसंख्येमुळे वीजेचा भार मोठ्या प्रमाणात वाढला होता. त्यामुळे नागरिकांना सातत्याने वीजपुरवठा खंडित होण्याचा त्रास सहन करावा लागत होता. ही बाब लक्षात घेऊन आमदार महेशदादा लांडगे आणि निलेशदादा नेवाळे यांनी महावितरण विभागाशी सातत्याने पाठपुरावा केला. त्यांच्या प्रयत्नांना यश येत अतिरिक्त भार पेलण्यासाठी नवीन ट्रान्सफॉर्मर मंजूर करण्यात आला.
नवीन 200 HP ट्रान्सफॉर्मर कार्यान्वित झाल्यामुळे शरदनगर परिसरात आता खंडित वीजपुरवठ्याचा त्रास कायमस्वरूपी कमी होणार असून नागरिकांना नियमित आणि सुरळीत वीजपुरवठा मिळणार आहे. यामुळे घरगुती वापरासह व्यावसायिक आणि औद्योगिक कामकाजालाही मोठा दिलासा मिळणार आहे.
या कामाच्या प्रत्यक्ष पाहणीसाठी स्थानिक पदाधिकारी, कार्यकर्ते आणि नागरिक मोठ्या संख्येने उपस्थित होते. नागरिकांनी आमदार महेशदादा लांडगे, निलेशदादा नेवाळे तसेच या कामासाठी सहकार्य करणाऱ्या सर्व लोकप्रतिनिधी व महावितरण अधिकाऱ्यांचे मनःपूर्वक आभार मानले.
