“विद्यार्थ्यांच्या ‘आयडिया’ला व्यावसायिकतेची जोड; क्षितिज २०२५ मध्ये पेटंटसाठी २८ इनोव्हेटिव्ह प्रकल्प सादर!”

‘क्षितिज २०२५’ मध्ये विद्यार्थ्यांचे इनोव्हेटिव्ह प्रकल्प केंद्रस्थानी

पिंपरी, पुणे (दि. २६ मे २०२५) – विद्यार्थ्यांच्या नवकल्पनांना व्यावसायिक उंची मिळवून देणारे ‘क्षितिज २०२५ पीसीसीओई’ हे शोकेस प्रदर्शन उद्योजकतेला नवा आयाम देणारे ठरले. पिंपरी चिंचवड कॉलेज ऑफ इंजिनिअरिंग (PCCOE) द्वारा आयोजित या उपक्रमाला औद्योगिक क्षेत्रातील प्रतिनिधींपासून ते शिक्षण तज्ज्ञांपर्यंत भरघोस प्रतिसाद लाभला.

स्टार्टअपसाठी मदत करणारी केंद्र सरकारची अधिकृत योजना

कॉमसेन्स टेक्नॉलॉजीजचे सह-संस्थापक आणि मुख्य एआय अधिकारी सागर बाबर म्हणाले, “विद्यार्थ्यांच्या कल्पनांमध्ये व्यावसायिकतेचा समावेश झाल्यास त्या पेटंटपर्यंत पोहोचून उद्योगजगतात नवे दालन उघडू शकतात. ‘क्षितिज 2025 पीसीसीओई’ हे विद्यार्थ्यांच्या सर्जनशील विचारांना वास्तवात उतरवण्याचे माध्यम ठरत आहे.”

या प्रदर्शनात कृत्रिम बुद्धिमत्ता, मेकॅनिकल डिझाइन, व्हिएलएसआय, कन्स्ट्रक्शन मॅनेजमेंट, डेटा सायन्स अशा विविध विभागांतील २८ प्रकल्प सादर करण्यात आले. हे प्रकल्प सामाजिक प्रश्नांवर आधारित असून, त्यामध्ये तांत्रिक कौशल्य व व्यावहारिकता यांचा सुंदर संगम पाहायला मिळाला.

हे हि वाचावे

“पीसीसीओईच्या ‘कृषिरथ ७.०’ ला राष्ट्रीय कीर्ती! ‘तिफन २०२५’ स्पर्धेत देशात पहिला क्रमांक”

पबमॅटिक इंजिनिअरिंगचे अध्यक्ष मुकुल कुमार म्हणाले, “पेटंट हे कोणत्याही नवकल्पनेचे संरक्षण असून, त्यामुळंच ती कल्पना व्यावसायिक उत्पादनात रूपांतरित होऊ शकते. ‘क्षितिज २०२५ पीसीसीओई’ सारख्या कार्यक्रमांमुळे विद्यार्थ्यांना पेटंट प्रक्रियेची जाणीव होते आणि त्यातून नवे स्टार्टअप उदयाला येऊ शकतात.”

बीएसके रेड्डी (सरव्यवस्थापक, टाटा मोटर्स) यांनी पीसीसीओईच्या सातत्यपूर्ण उपक्रमांचे कौतुक करताना सांगितले, “विद्यार्थ्यांच्या सामाजिक जाणिवा आणि तांत्रिक कौशल्यांचा संगम म्हणजे ‘क्षितिज 2025 पीसीसीओई’. ही चळवळ इतर शैक्षणिक संस्थांनीही अनुकरण करावी.”

क्षितिज 2025 या कार्यक्रमात 200 हून अधिक औद्योगिक प्रतिनिधी उपस्थित होते. काही प्रतिनिधींनी प्रकल्पांमध्ये गुंतवणूक करण्याची तयारी दर्शवत पुढील सहकार्याचे आश्वासन दिले.

क्षितिज २०२५ कार्यक्रमाचे स्वागत डॉ. गोविंद कुलकर्णी, सूत्रसंचालन डॉ. दीप्ती खुर्गे, तर आभार डॉ. केतन देसले यांनी मानले. कार्यक्रमाचे आयोजन पीसीईटीचे अध्यक्ष ज्ञानेश्वर लांडगे, कार्यकारी संचालक डॉ. गिरीश देसाई आदींच्या मार्गदर्शनाखाली पार पडले.

‘क्षितिज 2025 पीसीसीओई’ या उपक्रमातून विद्यार्थ्यांच्या कल्पकतेला एक नवे व्यासपीठ मिळाले असून, यामधून नवउद्योजक घडण्याची शक्यता नाकारता येत नाही. या प्रदर्शनाने केवळ तांत्रिक नवकल्पना सादर केल्या नाहीत, तर त्यांचा समाजावर आणि उद्योगक्षेत्रावर परिणाम करणारा ठोस प्रभावही दाखवून दिला.