किवळे, २४ फेब्रुवारी २०२५: किवळे येथील महापालिका आरक्षण क्रमांक ०४/१२० वर बांधण्यात येणाऱ्या अत्याधुनिक दवाखाना व प्रसूतीगृहाच्या भव्य प्रकल्पाचा भूमिपूजन सोहळा आज माजी आमदार श्रीमती अश्विनीताई लक्ष्मण जगताप यांच्या हस्ते संपन्न झाला. या ऐतिहासिक क्षणी रा.कॉ.पार्टी शहराध्यक्ष आणि माजी महापौर योगेश बहल, स्थानिक ज्येष्ठ नगरसेवक मोरेश्वर भोंडवे, माजी नगरसेविका संगीता भोंडवे, माजी नगरसेविका कु.प्रज्ञा खानोलकर, माजी नगरसेवक बाळासाहेब ओव्हाळ, तसेच महानगरपालिका नगररचना विभागाचे उपसंचालक प्रसाद गायकवाड यांच्या उपस्थितीत हा सोहळा संपन्न झाला.
६ मजली आधुनिक दवाखान्याची खास वैशिष्ट्ये!
हा ६ मजली अत्याधुनिक दवाखाना व प्रसूतीगृह संपूर्ण परिसरासाठी वरदान ठरणार आहे. विशेषतः महिलांसाठी सुविधा-संपन्न रुग्णसेवा देण्यावर भर दिला आहे. या हॉस्पिटलमध्ये तज्ञ डॉक्टरांची ओपीडी सुविधा, अत्याधुनिक रक्त तपासणी प्रयोगशाळा, डायग्नोस्टिक केंद्र, पॅथोलॉजी लॅब, प्रसूती कक्ष, कुटुंब नियोजन केंद्र, तसेच एक मल्टीपर्पज हॉल आणि जनरल वॉर्ड असणार आहे.
किवळे, रावेत, देहूरोड परिसरातील नागरिकांना मोठा दिलासा!
या प्रकल्पामुळे किवळे, देहूरोड, मामुर्डी, रावेत आणि परिसरातील हजारो नागरिकांना आरोग्य सुविधांचा मोठा लाभ होणार आहे. विशेषतः गर्भवती महिलांसाठी खास सोयी-सुविधा उपलब्ध करून देण्याचा निर्णय घेण्यात आला आहे.
स्थानिकांचा अभूतपूर्व प्रतिसाद!
या महत्त्वाकांक्षी प्रकल्पामुळे स्थानिक नागरिकांमध्ये उत्साहाचे वातावरण आहे. आधुनिक वैद्यकीय सेवा उपलब्ध झाल्यामुळे आता प्रसूतिसाठी लांबच्या दवाखान्यांमध्ये जाण्याची गरज भासणार नाही, असा विश्वास स्थानिक महिलांनी व्यक्त केला.
महापालिकेच्या पुढाकारामुळे आणि स्थानिक लोकप्रतिनिधींच्या प्रयत्नांमुळे हा प्रकल्प वेगाने पूर्ण होईल, अशी अपेक्षा व्यक्त केली जात आहे.
हा प्रकल्प कधी सुरू होणार? कोणत्या सेवा अजून जोडल्या जातील? तुमचे मत कमेंटमध्ये नोंदवा!
