Phoenix Metro News | Breaking & Latest News Updates | Live News, Politics & Business

मा. नगरसेवक राजू दुर्गे यांच्या तर्फे संभाजी महाराजांना अभिवादन – ‘छावा’च्या मोफत प्रदर्शनाला जनतेचा उत्स्फूर्त प्रतिसाद!

काळभोरनगर | प्रतिनिधी

धर्मवीर छत्रपती संभाजी महाराजांच्या पराक्रमी जीवनावर आधारित ‘छावा’ या हिंदी चित्रपटाच्या मोफत प्रेक्षक प्रदर्शनास काळभोरनगर आणि मोहननगर परिसरातील नागरिकांनी अभूतपूर्व प्रतिसाद दिला. शंकर शेट्टी उद्यान येथे रविवार, १६ मार्च २०२५ रोजी संध्याकाळी ७ वाजता हा विशेष कार्यक्रम आयोजित करण्यात आला होता.

चित्रपटाच्या प्रारंभी राजाभाऊ दुर्गे (मा. नगरसेवक, पिंपरी चिंचवड मनपा) यांनी छत्रपती संभाजी महाराजांच्या शौर्याचा उल्लेख करत उपस्थित जनसमुदायास संबोधित केले. त्यांनी सांगितले की, “संभाजी महाराजांचे बलिदान हे केवळ मराठ्यांसाठीच नव्हे, तर हिंदुस्तानच्या अस्मितेसाठी एक प्रेरणादायी पर्व आहे. हा चित्रपट पाहताना प्रत्येकाच्या मनात राष्ट्राभिमान आणि स्वाभिमानाची जाणीव जागृत होईल.”

“ताज्या बातम्या | Phoenix News Metro वर ब्रेकिंग न्यूज आणि लाइव्ह अपडेट्स” राजकीय आणि उद्योग

नागरिकांचा उत्स्फूर्त प्रतिसाद!

या विशेष प्रदर्शनासाठी महिला, तरुण, आबालवृद्ध मोठ्या संख्येने उपस्थित होते. विशेषतः महिलावर्गाने कुटुंबासह हजेरी लावत आपल्या पराक्रमी राजाला अभिवादन केले. चित्रपटातील संघर्षमय दृश्ये पाहताना अनेकांच्या डोळ्यांत अश्रू तरळले, तर काहींनी “छत्रपती संभाजी महाराज की जय!” अशा घोषणांनी संपूर्ण वातावरण दणाणून सोडले.

हे ही पाहावे

“फ्लॅटधारकांसाठी मोठा धक्का! थकीत मालमत्ता करामुळे घर विक्री आणि निवडणुकीवर बंदी?”

इतिहास जिवंत करणारा ‘छावा’!

चित्रपटाच्या माध्यमातून संभाजी महाराजांचे अकल्पनीय बलिदान आणि धर्मरक्षणासाठी त्यांनी दिलेले अपूर्व योगदान थेट प्रेक्षकांच्या मनात खोलवर रुजले. इतिहासातील या महानायकाने सहन केलेल्या वेदनादायी प्रसंगांमुळे अनेकांच्या अंगावर शहारे आले.

जनसागराचा साक्षीदार – शंकर शेट्टी उद्यान!

उद्यानात लोकांचा महासागर उसळला होता. हजारोंच्या उपस्थितीने परिसर भक्तिरसात न्हाऊन निघाला. संभाजी महाराजांवरील चित्रपट पाहण्याची नागरिकांची तळमळ आणि त्यांच्या त्यागाविषयीची कृतज्ञता या वेळी प्रकर्षाने जाणवली.

हे ही वाचावे

मराठी ग्रंथसंपदा आणि पीडीएफ संग्रह:

पराक्रमी संभाजी महाराजांना कृतज्ञ जनतेचा  मानाचा मुजरा!

कार्यक्रमाच्या यशस्वी आयोजनाबद्दल राजाभाऊ दुर्गे आणि त्यांच्या सहकाऱ्यांनी नागरिकांचे आभार मानले. “इतिहास फक्त पुस्तकार्थ नाही, तो अनुभवायचा असतो. आज हजारोंच्या संख्येने लोकांनी येऊन आपल्या राजाला अभिवादन केले, हीच खरी राष्ट्रनिष्ठेची आणि इतिहासप्रेमाची साक्ष आहे,” असे दुर्गे यांनी आपल्या भाषणात सांगितले.

“ताज्या बातम्यांसाठी Phoenix Metro News ला फॉलो करा आणि लोकल न्यूज आणि ब्रेकिंग अपडेट्स मिळवा!”