“कामगार, शेतकरी व उद्योजकांच्या वतीने एकनाथ शिंदे यांना श्रम महर्षी पुरस्कार; 137 वर्षांपूर्वी महात्मा फुलेंना मिळालेल्या सन्मानाची ऐतिहासिक पुनरावृत्ती”
पिंपरी | प्रतिनिधी
कामगार, शेतकरी व उद्योजकांच्या एकत्रित पुढाकारातून महाराष्ट्राच्या राजकारणात नवी दिशा देणाऱ्या राज्याचे उपमुख्यमंत्री एकनाथ शिंदे यांना श्रम महर्षी पुरस्कार प्रदान करण्यात येणार आहे. या ऐतिहासिक सन्मानाने 137 वर्षांपूर्वीचा महात्मा फुलेंचा गौरव पुन्हा जागवला जात आहे.
11 मे 1888 रोजी मुंबईतील कामगारांनी महात्मा ज्योतिराव फुले यांना ‘महात्मा’ ही पदवी दिली होती. या ऐतिहासिक प्रसंगाला 137 वर्षे पूर्ण होत असताना, 9 मे 2025 रोजी एकनाथ शिंदे यांना श्रम महर्षी पुरस्कार बहाल करण्यात येणार आहे. हा पुरस्कार कामगार, कष्टकरी, श्रमिक, शेतकरी आणि उद्योजक यांच्या संयुक्त विद्यमाने दिला जात आहे.
हे हि वाचावे
मुंबईच्या जंगलात आता 54 बिबटे – वन विभागाचा मोठा खुलासा ! जंगलात काय घडतंय?
हा भव्य सोहळा पुणे सातारा चेंबर ऑफ कॉमर्सच्या वतीने ग. दि. माडगूळकर नाट्यगृहात, दुपारी 2.30 वाजता पार पडणार आहे. या प्रसंगी राज्याचे विविध मंत्री, मान्यवर आणि सामाजिक क्षेत्रातील दिग्गज उपस्थित राहणार आहेत.
कार्यक्रमास सातारा जिल्ह्याचे पालकमंत्री व पर्यटन मंत्री शंभुराजे देसाई, सार्वजनिक बांधकाम मंत्री शिवेंद्रराजे भोसले, ग्रामविकास मंत्री जयकुमार गोरे, मदत व पुनर्वसन मंत्री मकरंद जाधव पाटील तसेच विधानसभेचे उपाध्यक्ष अण्णासाहेब बनसोडे हे प्रमुख पाहुणे म्हणून उपस्थित राहणार आहेत.
याच कार्यक्रमात राष्ट्रीय श्रमिक आघाडीचे अध्यक्ष यशवंत भोसले यांना ‘श्रमयोगी पुरस्कार’ प्रदान करण्यात येणार असून, त्यांच्या श्रमिक चळवळीतील योगदानाची दखल घेतली जाणार आहे. कार्यक्रमाचे अध्यक्षस्थान लोकनेते बाळासाहेब देसाई सहकारी साखर कारखान्याचे संचालक बापू शिंदे पाटील भूषविणार आहेत.
Deputy CM Eknath Shinde Profile – Government of Maharashtra
राज्याच्या सामाजिक, औद्योगिक आणि राजकीय क्षेत्रात ठसा उमठवणाऱ्या एकनाथ शिंदे यांना श्रम महर्षी पुरस्कार मिळणं म्हणजे महाराष्ट्रातील कामगार-शेतकरी वर्गाचा यथोचित सन्मान असल्याची भावना उपस्थितांनी व्यक्त केली आहे. त्यांच्या नेतृत्वात अनेक धोरणात्मक निर्णय घेण्यात आले असून, जनतेच्या हितासाठी ते सातत्याने झटत आहेत.
हा पुरस्कार केवळ सन्मान नसून, नव्या पिढीला श्रमसंस्कारांची प्रेरणा देणारा सोहळा ठरणार आहे. एकनाथ शिंदे यांना श्रम महर्षी पुरस्कार मिळाल्याने राज्यातील सामाजिक आंदोलनांना नवी दिशा मिळण्याची शक्यता व्यक्त केली जात आहे.
