“पिंपरी चिंचवडमध्ये पहिल्यांदाच आंतरराष्ट्रीय चित्रपट महोत्सव; ९० हून अधिक चित्रपटांची मोफत मेजवानी!”

🎬 आंतरराष्ट्रीय चित्रपट महोत्सव पिंपरी चिंचवड मध्ये सुरू; प्रेक्षकांना विविध भाषांतील ९० चित्रपट मोफत पाहण्याची संधी

पिंपरी, २९ मे २०२५ : पिंपरी चिंचवड शहर आता फक्त उद्योगनगरी न राहता एक सांस्कृतिक ओळख घेऊन पुढे सरकताना दिसत आहे. या वाटचालीला दिशा देणारा एक महत्त्वपूर्ण टप्पा म्हणजे पिंपरी चिंचवड आंतरराष्ट्रीय चित्रपट महोत्सव २०२५. या महोत्सवाचा भव्य शुभारंभ आज आकुर्डी येथील ग.दि. माडगुळकर सभागृहात झाला. या वेळी पिंपरी चिंचवड महानगरपालिकेचे अतिरिक्त आयुक्त विजयकुमार खोराटे यांच्या हस्ते दीपप्रज्वलन करून उद्घाटन करण्यात आले.

“आंतरराष्ट्रीय चित्रपट महोत्सव पिंपरी चिंचवड चे आयोजन २९ मे ते ३१ मे दरम्यान पिंपरी चिंचवड महानगरपालिका, पिंपरी चिंचवड फिल्म सोसायटी, रयत शिक्षण संस्थेचे महात्मा फुले महाविद्यालय आणि मुंबा फिल्म फाउंडेशन यांच्या संयुक्त विद्यमाने करण्यात आले आहे.

आषाढीवारीची जय्यत तयारी! पिंपरी चिंचवडमध्ये लाखो वारकऱ्यांचे स्वागत होणार

“आंतरराष्ट्रीय चित्रपट महोत्सव पिंपरी चिंचवड या महोत्सवात राष्ट्रीय व आंतरराष्ट्रीय स्तरावरील ९० चित्रपट, लघुपट, माहितीपट आणि अ‍ॅनिमेशन चित्रपट मोफत दाखवले जाणार आहेत. रसिकांना सकाळी १० ते रात्री ८ या वेळेत चित्रपट पाहण्याची मुक्त संधी दिली जाणार आहे. महोत्सवाची ठिकाणे म्हणजे – ग.दि. माडगूळकर सभागृह, निगडी व महात्मा फुले स्पर्धा परीक्षा केंद्र, चिंचवड.

संस्कृती आणि चित्रपटांच्या माध्यमातून शहराचा विकास

अतिरिक्त आयुक्त खोराटे म्हणाले, “आंतरराष्ट्रीय चित्रपट महोत्सव पिंपरी चिंचवड हा शहराच्या सांस्कृतिक प्रगतीचा पाया आहे. उद्योग, क्रीडा, शिक्षणासोबतच सांस्कृतिक भर टाकणारे असे उपक्रमच एका शहराच्या ओळखीला व्यापक बनवतात. या महोत्सवामुळे पिंपरी चिंचवडची ओळख ‘सांस्कृतिक नगरी’ म्हणून देखील होईल.”

ते पुढे म्हणाले, “चित्रपट हे केवळ मनोरंजनाचे नाही तर भाषा आणि संस्कृतीच्या संवर्धनाचे प्रभावी माध्यम आहेत. मराठी भाषेच्या अभिजाततेला जागतिक व्यासपीठावर नेण्यासाठी दर्जेदार मराठी चित्रपट निर्मितीसाठी अशा महोत्सवांची गरज आहे.”

आंतरराष्ट्रीय चित्रपट महोत्सवाची माहिती जाणून घेण्यासाठी येथे क्लिक करा

लोकांचा सहभागच यशाचे खरे मापदंड

या उद्घाटन सोहळ्यात उपायुक्त पंकज पाटील, भाऊसाहेब भोईर, डॉ. पांडुरंग भोसले, गोरख कातुरे, विजय बोत्रे, शरद तांदळे, सायली शिंदे, अभिषेक अवचार, डॉ. कामायनी सुर्वे यांची उपस्थिती होती.

पाटील यांनी सांगितले की, “आंतरराष्ट्रीय चित्रपट महोत्सव पिंपरी चिंचवड हे शहरातील कलाकार, विद्यार्थी, रसिक आणि नवोदित दिग्दर्शक यांच्यासाठी एक सुवर्णसंधी आहे. या उपक्रमातून सांस्कृतिक एकोप्याचा अनुभव घ्यायला मिळतो.”

चित्रपट हे समाजाचे आरसे

अखिल भारतीय मराठी नाट्य परिषदेचे अध्यक्ष भाऊसाहेब भोईर म्हणाले, “चित्रपट हे समाजाचे आरसे आहेत. समाजातील भावना, मूल्ये आणि बदल याचे प्रतिबिंब सिनेमातून दिसते. त्यामुळे अशा महोत्सवांतून नव्या कलाकारांना व्यासपीठ मिळते आणि शहराचा सांस्कृतिक वारसा अधिक दृढ होतो.”

मोफत चित्रपट प्रदर्शना स्थळे व वेळा

स्थळ १: ग. दि. माडगूळकर सभागृह, सेक्टर २६, प्राधिकरण, निगडी

स्थळ २: महात्मा फुले स्पर्धा परीक्षा केंद्र, छत्रपती संभाजीनगर, चिंचवड

दिनांक: २९ मे ते ३१ मे २०२५

वेळ: सकाळी १० ते रात्री ८