“पिंपरीत रंगला ‘पुण्यश्लोक पर्व’ : खेळ पैठणीचा, शाहिरी पोवाडे, आणि महानाट्यातून उजळला अहिल्यादेवींचा तेजस्वी इतिहास!”

“पुण्यश्लोक पर्व महिलांसाठी ‘खेळ पैठणीचा’, शाहिरी पोवाड्यातून झळकले अहिल्यादेवींचे प्रेरणादायी जीवन”

पिंपरी, दि. २९ मे २०२५ :-

पिंपरी चिंचवड महानगरपालिकेच्या वतीने पुण्यश्लोक अहिल्यादेवी होळकर यांच्या त्रिशताब्दी जयंतीनिमित्त आयोजित पुण्यश्लोक अहिल्यादेवी होळकर विचार प्रबोधन पर्व या तीन दिवसीय महोत्सवाचे उद्घाटन अतिरिक्त आयुक्त तृप्ती सांडभोर यांच्या हस्ते संपन्न झाले. दीपप्रज्वलन व प्रतिमेला पुष्पहार अर्पण करून या ऐतिहासिक पर्वाची सुरुवात झाली.

🙏 महिलांसाठी ‘खेळ पैठणीचा’ विशेष कार्यक्रम

पुण्यश्लोक पर्व निमित्ताने पहिल्या दिवशी महिलांसाठी आयोजित ‘खेळ पैठणीचा’ या रंगतदार स्पर्धेला उत्स्फूर्त प्रतिसाद लाभला. यामध्ये सुनिता काळे यांनी प्रथम क्रमांक पटकावत मानाची पैठणी मिळवली, तर आरती पाटील आणि छाया नाईकवाडे यांनी अनुक्रमे दुसरा व तिसरा क्रमांक मिळवला. प्रत्येक सहभागी महिलेस आकर्षक भेटवस्तू देण्यात आली.

कार्यक्रमाच्या आयोजनात अतुल कड, अविनाश होरे, बबन गायकवाड, जालिंदर नलावडे, आरती कांबळे, पूजा सिंधीया यांचा मोलाचा सहभाग होता.

हे हि वाचावे

“पिंपरी चिंचवडमध्ये पहिल्यांदाच आंतरराष्ट्रीय चित्रपट महोत्सव; ९० हून अधिक चित्रपटांची मोफत मेजवानी!”

🎭 शाहिरी आणि महानाट्याने मंत्रमुग्ध वातावरण

दुपारच्या सत्रात प्रसिद्ध शाहीर यशवंत जाधव यांनी अहिल्यादेवींवरील शाहिरी सादर करून रसिकांची मने जिंकली. त्यानंतर ‘पुण्यश्लोक फाउंडेशन’ निर्मित आणि गणेश इनामदार दिग्दर्शित “पुण्यश्लोक” या भव्य महानाट्याचा प्रभावी प्रयोग सादर झाला. धनंजय तानले प्रस्तुत व श्रीकृष्ण परांजपे लिखित या नाट्यप्रयोगात अहिल्यादेवींचा शौर्य, राज्यकारभार, सामाजिक कार्य आणि त्यांची देशभक्ती याचे दर्शन घडवले.

या महानाट्यात ६४ कलाकारांनी मिलाजुला अभिनय सादर करून प्रेक्षकांना भावविभोर केले. महिलावर्ग व नागरिकांचा प्रतिसाद उल्लेखनीय होता.

🎤 विचारप्रवर्तक भाषण आणि लोककलेचा मेळा उद्या

या तीन दिवसीय पर्वाचा दुसरा दिवस आणखी उत्साहवर्धक ठरणार आहे. शुक्रवार, ३० मे रोजी आचार्य अत्रे रंगमंदिरात दुपारी ३ वाजता “सुवर्ण महाराष्ट्राचा लोकोत्सव” सादर केला जाणार असून त्यात भूपाळी, पिंगळा, गोंधळी, धनगरी नृत्य, शाहिरी पोवाडे यांचा समावेश आहे.

पुण्यश्लोक पर्व मध्ये  सायंकाळी ५ वाजता सुप्रसिद्ध वक्ते नितीन बानगुडे यांचे पुण्यश्लोक अहिल्यादेवींवर आधारीत व्याख्यान होणार आहे. या कार्यक्रमांना शहरवासीयांनी मोठ्या संख्येने उपस्थित राहावे, असे आवाहन पिंपरी चिंचवड महानगरपालिका प्रशासनाने केले आहे.

पिंपरी चिंचवड महानगरपालिका अधिकृत वेबसाइट

🗣️ उद्घाटन प्रसंगी महत्त्वाचे विचार

अतिरिक्त आयुक्त तृप्ती सांडभोर यांनी पुण्यश्लोक पर्व उद्घाटनप्रसंगी बोलताना म्हटले की, “पुण्यश्लोक अहिल्यादेवी होळकर यांनी लोककल्याणकारी राज्याचे उदाहरण प्रस्थापित केले. त्यांच्या कार्याचा आदर्श घेऊन महापालिकेचे प्रशासन नागरिकांसाठी उत्कृष्ट सेवा देण्यास कटिबद्ध आहे.”

प्रबोधन पर्व उद्घाटन कार्यक्रमास माजी नगरसदस्य राजू दुर्गे,जनता संपर्क अधिकारी प्रफुल्ल पुराणिक,सामाजिक कार्यकर्त्या विना सोनवलकर, बंडू मारकड, राजेंद्र गाडेकर, आशा काळे, धनंजय तानले, महावीर काळे, शारदा मुंडे, रेखा दुधभाते, दत्ता शेंडगे, नरेंद्र चऱ्हाटे, बिरू बनमाने, नवनाथ बिडे, निखील पडळकर, महादेव कवितके, अजय पाताडे, शोभा भराडे, राजश्री जायभाये, कविता पाटील, बापू गडदे, यशोधन नायकवडे यांच्यासह नागरिक मोठ्या संख्येने उपस्थित होते.

📌 कार्यक्रमाचे सूत्रसंचालन आणि प्रास्ताविक

कार्यक्रमाचे प्रास्ताविक प्रफुल्ल पुराणिक यांनी केले, तर रमेश भोसले यांनी सूचनांचे उत्कृष्ट संचालन केले.