पिंपरी, दि. २ मार्च २०२६ : पिंपरी चिंचवड महानगरपालिकाच्या विविध विषय समित्यांच्या सभापतीपदाची निवडणूक आज पिंपरी येथील मुख्य प्रशासकीय भवनातील दिवंगत महापौर मधुकरराव पवळे सभागृहात उत्साहात संपन्न झाली. नव्या नेतृत्वामुळे समित्यांच्या कामकाजाला गती मिळणार असल्याची अपेक्षा व्यक्त होत आहे.
समितीनिहाय निवड पुढीलप्रमाणे
विधी समिती सभापती – सुजाता बोराटे
महिला व बालकल्याण समिती सभापती – राणी पठारे
शहर सुधारणा समिती सभापती – संजय नाना काटे
क्रीडा, कला, साहित्य व सांस्कृतिक समिती सभापती – कैलास कुटे
शिक्षण समिती सभापती – रविना आंगोळकर
सभापती निवडीसाठी संबंधित समित्यांच्या विशेष सभा पार पडल्या. या सभांचे पिठासीन अधिकारी म्हणून विभागीय आयुक्तांचे प्रतिनिधी तथा पुणे महानगरपालिकाचे अतिरिक्त आयुक्त पृथ्वीराज बी. पी. यांनी कामकाज पाहिले. नवनिर्वाचित सभापतींना पिठासीन अधिकारी पृथ्वीराज बी. पी. यांनी पुष्पगुच्छ देऊन शुभेच्छा दिल्या.
मान्यवरांची उपस्थिती
यावेळी विरोधी पक्षनेते भाऊसाहेब भोईर यांच्यासह अतिरिक्त आयुक्त तृप्ती सांडभोर व विक्रांत बगाडे, नगरसचिव मुकेश कोळप, विशेष अधिकारी किरण गायकवाड यांच्यासह नगरसदस्य व नगरसदस्या उपस्थित होते. जनता संपर्क अधिकारी प्रफुल्ल पुराणिक यांनी सूत्रसंचालन केले.
समिती सभांचे वेळापत्रक
विधी समिती – १ व ३ रा शुक्रवार, दुपारी ३ वा.
महिला व बालकल्याण समिती – २ व ४ था गुरुवार, दुपारी २.३० वा.
शहर सुधारणा समिती – २ व ४ था मंगळवार, दुपारी २ वा.
क्रीडा, कला, साहित्य व सांस्कृतिक समिती – २ व ४ था शुक्रवार, दुपारी २.३० वा.
शिक्षण समिती – १ व ३ रा गुरुवार, दुपारी २.३० वा.
मा. आमदार शंकर जगताप, मा. उपमहापौर शर्मिला बाबर, मा. स्थायी समिती सभापती अभिषेक बारणे व मा. सत्तारूढ पक्षनेते प्रशांत शितोळे यांसह मान्यवरांनी नवनिर्वाचित सभापतींचे अभिनंदन केले.
नवीन सभापतींच्या नेतृत्वाखाली शहर विकास, महिला व बालकल्याण, शिक्षण, क्रीडा आणि विधी विषयक कामकाज अधिक परिणामकारकपणे राबवले जाईल, असा विश्वास व्यक्त करण्यात आला.
