पिंपरी चिंचवड (प्रतिनिधी):
पिंपरी चिंचवड महापालिका निवडणुकांच्या पार्श्वभूमीवर भाजप उमेदवार यादी पिंपरी चिंचवड संदर्भात महत्त्वाची माहिती समोर आली आहे. भारतीय जनता पक्षाची पहिली उमेदवार यादी रविवारी (दि. २८) प्रसिद्ध होणार असल्याची घोषणा निवडणूक प्रचार प्रमुख तथा आमदार शंकर जगताप यांनी केली.
आमदार जगताप यांनी सांगितले की, महापालिका निवडणुकीसाठी भाजपकडून उमेदवारांची अंतिम यादी प्रदेश कार्यालयाकडे सादर करण्यात आली आहे. मुंबई येथे झालेल्या बैठकीत कोअर कमिटी सदस्यांच्या उपस्थितीत विधानसभा निहाय सविस्तर आढावा घेण्यात आला. काही प्रभागांतील उमेदवारी जवळपास निश्चित असली तरी अंतिम निर्णय पक्षश्रेष्ठींचाच राहणार आहे.
🔸 निष्ठावंत कार्यकर्त्यांवर अन्याय होणार नाही
भाजप हा कार्यकर्त्यांवर आधारित पक्ष असून भाजप उमेदवार यादी पिंपरी चिंचवड जाहीर झाल्यानंतर कोणत्याही निष्ठावंत कार्यकर्त्यावर अन्याय होणार नाही, असा ठाम विश्वास आमदार जगताप यांनी व्यक्त केला. “पक्षामध्ये सर्वेक्षण, जनाधार आणि विजयाची क्षमता यांचा विचार करूनच उमेदवार निश्चित केले जातात,” असे त्यांनी स्पष्ट केले.
🔸 विरोधकांचा एकत्र येण्याचा भाजपवर परिणाम नाही
भाजप विकासाचे ठोस व्हिजन घेऊन काम करणारा पक्ष असल्याने विरोधक कितीही एकत्र आले तरी त्याचा परिणाम होणार नाही, असा दावा आमदार जगताप यांनी केला. भाजप उमेदवार यादी पिंपरी चिंचवड ही जिंकण्याच्या दृष्टीनेच आखलेली असून, भाजपकडे मोठ्या प्रमाणावर ‘इलेक्टिव्ह मेरिट’ असलेले उमेदवार असल्याचे त्यांनी सांगितले.
🔸 ‘थम्पिंग मेजॉरिटी’चा विश्वास
“प्रथम राष्ट्र, नंतर पक्ष आणि शेवटी स्वतः” या विचारसरणीवर भाजप कार्यरत आहे. पक्षाचा आदेश हाच अंतिम असतो, त्यामुळे तिकीट मिळाल्यानंतर सर्व कार्यकर्ते एकदिलाने कामाला लागतात. याच एकजुटीच्या बळावर पिंपरी चिंचवड महापालिकेत थम्पिंग मेजॉरिटीने भाजप विजयी होईल, असा विश्वास आमदार जगताप यांनी व्यक्त केला.
🔸 कमळ फुलवण्याचा निर्धार
उमेदवार यादी जाहीर झाल्यानंतर सर्व कार्यकर्ते एक विचाराने, एक ध्येयाने काम करणार असून भाजप उमेदवार यादी पिंपरी चिंचवड शहरात पुन्हा एकदा कमळ फुलवेल, असा विश्वास त्यांनी व्यक्त केला.
