पिंपरी | प्रतिनिधी
“आरंभ है प्रचंड” या घोषवाक्याला साजेसा राजकीय चित्रपट पिंपरी विधानसभेत पाहायला मिळत असून, आमदार अमित गोरखे यांच्या नेतृत्वात पिंपरी विधानसभेत मोठ्या प्रमाणात पक्षप्रवेश सुरू आहेत. देशाचे कणखर नेतृत्व मा. पंतप्रधान श्री. नरेंद्रजी मोदी, केंद्रीय गृहमंत्री मा. अमितभाई शहा तसेच राज्याचे गतिमान मुख्यमंत्री मा. देवेंद्रजी फडणवीस यांच्या नेतृत्वावर विश्वास ठेवून भारतीय जनता पार्टीत प्रवेश करणाऱ्यांची संख्या दिवसेंदिवस वाढत आहे.
भाजप प्रदेशाध्यक्ष मा. श्री. रविंद्रजी चव्हाण यांच्या मार्गदर्शनाखाली पिंपरी-चिंचवड शहरात सुरू असलेली ही राजकीय घडामोड केवळ पक्षप्रवेशापुरती मर्यादित नसून, भाजपच्या विकासाभिमुख विचारधारेवर वाढता जनविश्वास असल्याचे स्पष्ट संकेत देणारी ठरत आहे.
गेल्या दोन दिवसांपासून शहरातील विविध राजकीय, सामाजिक आणि व्यावसायिक क्षेत्रातील मान्यवर, आजी-माजी लोकप्रतिनिधी, पदाधिकारी आणि कार्यकर्ते भाजपमध्ये जाहीर प्रवेश करत आहेत. आमदार अमित गोरखे यांच्या नेतृत्वात पिंपरी विधानसभेत मोठ्या प्रमाणात पक्षप्रवेश होत असल्याने आगामी निवडणुकीच्या पार्श्वभूमीवर राजकीय समीकरणे वेगाने बदलताना दिसत आहेत.
आज झालेला पक्षप्रवेश सोहळा भाजपच्या पिंपरी-चिंचवड मध्यवर्ती जनसंपर्क कार्यालयात पार पडला. या वेळी आमदार अमित गोरखे यांचे मुख्य मार्गदर्शन लाभले. कार्यक्रमास आमदार महेश दादा लांडगे, शंकर भाऊ जगताप, उमाताई खापरे तसेच शहराध्यक्ष शत्रुघ्न बापू काटे यांची प्रमुख उपस्थिती होती.
🔶 शेट्टी व बाबर कुटुंबियांचा भाजपमध्ये जाहीर प्रवेश
आजच्या पक्षप्रवेशात शहरातील हॉटेल व्यावसायिक क्षेत्रात तसेच सामाजिक-राजकीय क्षेत्रात स्वतंत्र ओळख असलेल्या शेट्टी कुटुंबियांनी भाजपमध्ये जाहीर प्रवेश केला. यासोबतच दिवंगत खासदार गजानन बाबर यांच्या कुटुंबियांनीही भारतीय जनता पार्टीच्या विचारधारेशी जोडले जाण्याचा निर्णय घेतला, ही या कार्यक्रमातील महत्त्वाची घडामोड ठरली.
यावेळी माजी नगरसेवक श्री. प्रकाश बाबर, माजी नगरसेविका सौ. शारदा बाबर, श्री. अमित प्रकाश बाबर आणि सौ. ऐश्वर्या बाबर यांचे पक्षात स्वागत करण्यात आले.
तसेच माजी नगरसेवक श्री. उल्हास शेट्टी, श्री. प्रसाद शेट्टी, माजी नगरसेविका सौ. अनुराधा गोफणे, सामाजिक कार्यकर्ते श्री. देवीदास गोफणे, श्री. महेश गोफणे, महेश सहकारी बँकेचे श्री. अजय लढ्ढा, श्री. महेश काटे, श्री. संजय जगताप, श्री. लवकुश यादव, श्री. चेतन शेटे, श्री. गणेश कंकावणे आणि श्री. ऋषी शेट्टी यांनीही भाजपमध्ये प्रवेश केला.
राजकीय जाणकारांच्या मते, आमदार अमित गोरखे यांच्या नेतृत्वात पिंपरी विधानसभेत मोठ्या प्रमाणात पक्षप्रवेश होत असल्याने भाजपची संघटनात्मक ताकद अधिक भक्कम होत असून, आगामी निवडणुकीत याचा थेट परिणाम मतदारांवर दिसून येण्याची शक्यता आहे.
