प्रभाग क्रमांक १ मधील भाजपाचे अधिकृत उमेदवार साधणार थेट जनतेशी संवाद — विजयाचा आत्मविश्वास, जनतेचा पाठिंबा
पिंपरी-चिंचवड | प्रतिनिधी
पिंपरी-चिंचवड महानगरपालिका निवडणुकीच्या पार्श्वभूमीवर भोसरी परिसरात आज राजकीय वातावरण तापणार असून, मुख्यमंत्री श्री. देवेंद्रजी फडणवीस यांच्या प्रमुख उपस्थितीत भव्य रोड शोचे आयोजन करण्यात आले आहे. या रोड शोचे नेतृत्व आमदार महेशदादा लांडगे करणार असून, हजारोंच्या संख्येने कार्यकर्ते व नागरिक सहभागी होण्याची अपेक्षा आहे.
हा रोड शो आज रविवारी सायंकाळी ४ वाजता, पीएमटी चौक, भोसरी येथून सुरू होणार आहे. भाजपाच्या शक्तीप्रदर्शनासोबतच हा रोड शो प्रभाग क्रमांक १ मधील निवडणूक प्रचाराला निर्णायक वळण देणारा ठरणार असल्याचे बोलले जात आहे.
या भव्य रोड शोमध्ये भारतीय जनता पार्टीचे प्रभाग क्रमांक १ मधील अधिकृत उमेदवार
श्री. सुरेश (तात्या) म्हेत्रे,
सौ. सोनम विनायक (आबा) मोरे,
सौ. शितल जितेंद्र यादव,
श्री. गणेश दत्तात्रय मळेकर
हे उमेदवार नागरिकांशी थेट संवाद साधणार आहेत.
चिखली व परिसराच्या सर्वांगीण विकासासाठी स्पष्ट दृष्टी, जनतेशी जोडलेले नाते आणि कामाची सातत्यपूर्ण गती यामुळे माजी नगरसेवक श्री. सुरेश (तात्या) म्हेत्रे हेच प्रभाग क्रमांक १ साठी सक्षम व विश्वासार्ह पर्याय असल्याचा विश्वास कार्यकर्त्यांकडून व्यक्त केला जात आहे.
या रोड शोमुळे भाजपाच्या प्रचाराला मोठी ऊर्जा मिळणार असून, प्रभाग क्रमांक १ मध्ये भाजपाची आघाडी अधिक मजबूत होणार असल्याचे चित्र आहे. नागरिकांनी मोठ्या संख्येने उपस्थित राहून या ऐतिहासिक रोड शोचे साक्षीदार व्हावे, असे आवाहन आयोजकांकडून करण्यात आले आहे.
