ब्रेकिंग! पिंपरी चिंचवडमध्ये “लोकशाही दिन” – नागरिकांच्या समस्यांवर झटपट तोडगा!

PCMCमध्ये बदलाची नांदी! नागरी सुविधा सुधारण्यासाठी नागरिकांचा सक्रिय सहभाग आवश्यक!

पिंपरी, दि. ३ मार्च २०२५ – पिंपरी चिंचवड महानगरपालिका आणखी एक पाऊल पुढे! नागरिकांच्या तक्रारींवर तातडीने निर्णय घेण्यासाठी दर महिन्याच्या पहिल्या सोमवारी “लोकशाही दिन” साजरा केला जातो. आजच्या लोकशाही दिनात अतिरिक्त आयुक्त विजयकुमार खोराटे यांच्या अध्यक्षतेखाली अनेक महत्त्वाच्या तक्रारींवर विचारमंथन झाले.

शहरवासीयांची मागणी, प्रशासनाचा ठोस निर्णय!
लोकशाही दिनात रस्ते रुंदीकरण, पाणीटंचाई निवारण, आरोग्य केंद्र स्थलांतर, ड्रेनेज लाईन्सचा विस्तार अशा महत्त्वाच्या विषयांवर नागरिकांनी सूचना दिल्या. प्रशासनाने तातडीने कार्यवाहीसाठी संबंधित विभागांना सूचना दिल्या आहेत.

तुमची तक्रार, तुमचाच हक्क!
नागरिकांना आवाहन – आपल्या भागातील समस्या मांडण्यासाठी विहित अर्ज भरून महानगरपालिकेकडे पाठवा. हा अर्ज नागरी सुविधा केंद्रात मोफत उपलब्ध आहे! पुढील लोकशाही दिनासाठी अर्ज पाठवण्याची अंतिम तारीख – १५ दिवस आधी.

यावेळी उपआयुक्त तथा लोकशाही दिन उपक्रम समन्वय अधिकारी राजेश आगळे, सहाय्यक आरोग्य वैद्यकीय अधिकारी डॉ. अंजली ढोणे, प्रशासन अधिकारी श्रद्धा बोरडे, कार्यकारी अभियंता एस. टी. जावरानी, किरण अंदुरे, सन्मान भोसले यांच्यासह नागरिक उपस्थित होते.