“चाकणमध्ये इतिहास! झेडएफ इंडिया’च्या कामगारांना 20,100₹ पगारवाढ – बोनस, विम्यासह भरघोस लाभ!”

आमदार महेश लांडगे यांच्या प्रमुख उपस्थितीत वेतनवाढ करार

चाकण औद्योगिक पट्टयातील सर्वाधिक वेतनवाढ करार

पिंपरी-चिंचवड | प्रतिनिधी
चाकण औद्योगिक वसाहतीतील वासुली येथे कार्यरत ‘झेडएफ इंडिया प्रा. लि.’ आणि ‘स्वाभिमानी श्रमिक कामगार संघटना’ यांच्यात परिसरातील सर्वाधिक वेतनवाढ करार करण्यात आला आहे. या करारामुळे कर्मचाऱ्यांना तब्बल 20,100 रुपयांची वेतनवाढ मिळाली आहे.

हा ऐतिहासिक करार भाजप नेते आणि आमदार महेश लांडगे यांच्या प्रमुख उपस्थितीत करण्यात आला. या वेळी संघटनेचे सल्लागार रोहिदास गाडे, अध्यक्ष जीवन येळवंडे आणि अन्य पदाधिकारी उपस्थित होते.

करारातील महत्त्वाचे मुद्दे:

✅ एकूण पगारवाढ: 20,100 रुपये (तीन वर्षांसाठी)
✅ वेतनवाढ रचना: पहिल्या वर्षी 80%, दुसऱ्या वर्षी 10%, तिसऱ्या वर्षी 10%
✅ करार कालावधी: 01 एप्रिल 2024 ते 31 मार्च 2027
✅ मेडिक्लेम पॉलिसी: 2 लाख रुपयांचा संपूर्ण खर्च कंपनी करणार, तसेच 10 लाख रुपयांची बफर पॉलिसी
✅ गट अपघात विमा: 40 लाख रुपयांचे कव्हर
✅ दिवाळी बोनस: कायदेशीर बोनसशिवाय अतिरिक्त 8,501 रुपये आणि 2,000 रुपयांची भेटवस्तू
✅ गुणवंत कामगार पुरस्कार: दरवर्षी दोन गुणवंत कामगारांना 8,501 रुपयांचे बक्षीस
✅ फरक देय: प्रत्येक कामगाराला 11 महिन्यांचा फरक देण्यात येणार

कामगारांमध्ये आनंदोत्सव!
या ऐतिहासिक करारानंतर कामगारांनी फटाके फोडून आणि पेढे वाटून आनंद साजरा केला.

ही भरघोस वेतनवाढ चाकण औद्योगिक पट्ट्यातील सर्वाधिक असल्याने औद्योगिक क्षेत्रात मोठी चर्चा रंगली आहे.