Phoenix Metro News | Breaking & Latest News Updates | Live News, Politics & Business

पिंपरी-चिंचवड ITI,औद्योगिक प्रशिक्षण संस्था,ITI नवीन इमारत,आमदार महेश लांडगे बातमी,पिंपरी-चिंचवड विकास,ITI विस्तार योजना,पिंपरी-चिंचवड शिक्षण विकास,औद्योगिक प्रशिक्षण संधी

पिंपरी-चिंचवड औद्योगिक प्रशिक्षण संस्थेसाठी हवी अत्याधुनिक इमारत – आमदार महेश लांडगे यांची मागणी

➡️ महापालिका आयुक्त शेखर सिंह यांना पत्र
➡️ औद्योगिक प्रशिक्षण संस्था विस्ताराची गरज
➡️ विद्यार्थ्यांसाठी रोजगाराच्या संधी निर्माण होणार

पिंपरी-चिंचवड | प्रतिनिधी

पिंपरी-चिंचवड महानगरपालिकेच्या वतीने मोरवाडी येथे औद्योगिक प्रशिक्षण संस्था (ITI) कार्यरत आहे. मात्र, सद्यस्थितीत ही इमारत जुनी झाली असून जागा अपुरी पडत आहे. यामुळे विद्यार्थ्यांच्या प्रशिक्षणावर परिणाम होत आहे. त्यामुळे महापालिका प्रशासनाने आणि राज्य सरकारच्या सहकार्याने नवीन, अत्याधुनिक आणि अद्ययावत सुविधा असलेली इमारत उभारावी, अशी मागणी भाजपा नेते व भोसरी विधानसभा आमदार महेश लांडगे यांनी केली आहे.

या संदर्भात महापालिका आयुक्त तथा प्रशासक शेखर सिंह यांना त्यांनी पत्र देऊन मागणी केली आहे.

औद्योगिक प्रशिक्षण संस्थेचा विस्तार गरजेचा!

आमदार महेश लांडगे यांनी महापालिका प्रशासनाला दिलेल्या पत्रात म्हटले आहे की, सध्या मोरवाडी व कासारवाडी येथे एकूण 20 ट्रेड्सचे प्रशिक्षण दिले जाते. संस्थेत सध्या 42 तुकड्या (बॅचेस) असून, मोठ्या संख्येने विद्यार्थी येथे शिक्षण घेत आहेत.

शहरातील औद्योगिक गरज लक्षात घेता, आधुनिक तंत्रज्ञान व कौशल्य विकास प्रशिक्षण देण्यासाठी संस्थेचे अपग्रेडेशन आवश्यक आहे. काही दिवसांपूर्वी महानगरपालिका प्रशासन, स्थानिक औद्योगिक आस्थापना आणि कौशल्य विकास क्षेत्रातील तज्ज्ञ यांच्यासह “भारतातील उद्योगांच्या भविष्यातील मागण्या पूर्ण करणारे ITI ट्रेड्स ” या विषयावर कार्यशाळा आयोजित करण्यात आली होती.

या कार्यशाळेत ITI विस्तार आणि आधुनिक तंत्रज्ञानाचा समावेश करणे गरजेचे असल्याचे मत मांडण्यात आले होते. यामुळे विद्यार्थ्यांना उत्तम प्रशिक्षण मिळेल आणि उद्योगांसाठी कुशल मनुष्यबळ उपलब्ध होईल.

“ताज्या बातम्या | Phoenix News Metro वर ब्रेकिंग न्यूज आणि लाइव्ह अपडेट्स” राजकीय आणि उद्योग

औद्योगिक क्षेत्राला प्रशिक्षित मनुष्यबळ उपलब्ध होणार!

पिंपरी-चिंचवड हे महाराष्ट्रातील महत्त्वाचे औद्योगिक केंद्र आहे. येथे अनेक राष्ट्रीय आणि आंतरराष्ट्रीय कंपन्या कार्यरत आहेत. ITI प्रशिक्षण अधिक अद्ययावत केल्यास स्थानिक विद्यार्थ्यांना नोकरीच्या मोठ्या संधी निर्माण होतील.

औद्योगिक प्रशिक्षण संस्थेच्या विस्तारासाठी नवीन जागेची निश्चिती करावी. तसेच, ITI साठी स्वतंत्र प्रशासकीय इमारत, अत्याधुनिक कार्यशाळा आणि सेंटर ऑफ एक्सलन्स उभारण्यात यावे, अशी मागणी महेश लांडगे यांनी केली आहे.

यामुळे कौशल्य विकासाला गती मिळेल आणि स्थानिक औद्योगिक क्षेत्राला कुशल मनुष्यबळ मिळेल.

शिक्षण विभाग महाराष्ट्र राज्य अधिकृत संकेतस्थळ

प्रशासन सकारात्मक!

महापालिका प्रशासनाकडून या मागणीचा गांभीर्याने विचार सुरू आहे. आगामी काळात ITI च्या विस्तारासाठी ठोस पावले उचलली जातील, अशी शक्यता वर्तवली जात आहे.

आमदार महेश लांडगे यांचे मत

“पिंपरी-चिंचवड औद्योगिक प्रशिक्षण संस्थेच्या विस्तारीकरणासाठी आणि आधुनिक तंत्रज्ञानाच्या समावेशासाठी महापालिकेने तातडीने पावले उचलावीत. शहराच्या मध्यवर्ती ठिकाणी एक अत्याधुनिक ITI संकुल उभारावे, जे कौशल्य विकासासोबतच उद्योगांसाठी कुशल मनुष्यबळ निर्माण करेल. प्रशासनाने सकारात्मक पावले उचलतील, असा विश्वास आहे.”

➡️ महेश लांडगे, आमदार, भोसरी विधानसभा, भाजपा, पिंपरी-चिंचवड, पुणे

“ताज्या बातम्यांसाठी Phoenix Metro News ला फॉलो करा आणि लोकल न्यूज आणि ब्रेकिंग अपडेट्स मिळवा!”