“खान्देश मराठा पाटील समाज संघाचा ६ वा वर्धापनदिन थाटात साजरा – मान्यवरांचा गौरव आणि भव्य सांस्कृतिक सोहळा!”

“खान्देश मराठा पाटील समाज संघ वर्धापनदिन सोहळा 2025”

खान्देश मराठा पाटील समाजाचा पिंपरी-चिंचवडच्या प्रगतीत मोलाचा वाटा

मान्यवरांची उपस्थिती आणि समाजरत्नांचा सन्मान

पिंपरी-चिंचवड: खान्देश मराठा पाटील समाज संघाचा 6 वा वर्धापनदिन समारंभ गुढीपाडवाच्या शुभमुहूर्तावर 30 मार्च 2025 रोजी ग. दि. माडगूळकर नाट्यगृह, आकुर्डी येथे साजरा करण्यात आला. या कार्यक्रमाच्या अध्यक्षस्थानी धुळे ग्रामीणचे युवा आमदार राघवेंद्र भदाणे होते.

कार्यक्रमास प्रमुख पाहुणे म्हणून मावळ लोकसभेचे विद्यमान खासदार श्रीरंग आप्पा बारणे, चिंचवड विधानसभेचे आमदार शंकर जगताप, माजी महापौर संजोग वाघेरे, माजी सत्तारूढ पक्षनेते नामदेव ढाके, माजी नगरसेवक राहुल कलाटे, पाटील उद्योग समूहाचे चेअरमन दिपक काशिनाथ पाटील, भाजप युवा मोर्चा महाराष्ट्र प्रदेश अध्यक्ष अनुप मोरे, नगरसेवक देविदास पाटील, उपजिल्हाधिकारी अनिल पवार, चाकण पोलीस स्टेशनचे वरिष्ठ पोलीस निरीक्षक प्रमोद वाघ उपस्थित होते. यावेळी समाजातील विविध क्षेत्रात उल्लेखनीय कामगिरी करणाऱ्या मान्यवरांचा सन्मान करण्यात आला.

“खान्देश मराठा समाजाचा 6 वा वर्धापनदिन”

उत्कृष्ट कार्यगौरव पुरस्कार प्राप्त मान्यवर:

कार्यक्रमात कर्नल रामकृष्ण रंगराव वाघ (समाजभूषण पुरस्कार), वरिष्ठ पोलीस निरीक्षक प्रमोद सदाशिव वाघ (उत्कृष्ट कार्यगौरव पुरस्कार), उपव्यवस्थापकीय संचालक सारथी अनिल पवार (उत्कृष्ट सेवा गौरव पुरस्कार), संदीप पाटील (युवा उद्योजक पुरस्कार), हर्षल बोरसे (खान्देश गौरव पुरस्कार), गणेश निकम (उद्योगरत्न पुरस्कार), गुणवंत सोनवणे (खान्देश रत्न पुरस्कार), वेदांत पाटील (उद्योगरत्न पुरस्कार), प्रशांत पाटील (युवा उद्योजक पुरस्कार), हेमराज अहिरे (खान्देश रत्न पुरस्कार), सोनाली काळे (शिक्षण रत्न पुरस्कार), जितेंद पाटील (खान्देश उद्योजक पुरस्कार), अशोक थोरात (उत्कृष्ट उद्योजक पुरस्कार) आणि भावेश माळी (बालकलाकार दांडिया किंग) यांना गौरविण्यात आले.

युवकांना राजकारणाच्या दिशेने प्रोत्साहन:

यावेळी आमदार राघवेंद्र भदाणे यांनी उपस्थित युवकांना प्रेरित करत सांगितले की, सुशिक्षित युवकांनी राजकारणाला एक संधी म्हणून पाहिले पाहिजे. त्यांनी राजकारणात सहभागी होऊन देशाच्या प्रगतीसाठी आपले योगदान द्यावे, असे आवाहन त्यांनी केले.

हे ही वाचावे

“३१ मार्च आज शेवटची संधी! थकबाकीदारांची मालमत्ता कोणत्याही क्षणी जप्त होण्याची शक्यता!”

समाजाच्या योगदानाचा गौरव:

कार्यक्रमात प्रमुख पाहुण्यांनी पिंपरी-चिंचवडच्या जडणघडणीमध्ये खान्देशवासियांचा महत्त्वपूर्ण वाटा असल्याचे गौरवोद्गार काढले. संघाच्या कार्याबद्दल आणि विविध सामाजिक उपक्रमांचे कौतुक केले.

कार्यक्रमाचे आयोजन आणि सांस्कृतिक रंग:

खान्देश मराठा समाज संघाचे अध्यक्ष महेंद्र पाटील यांनी प्रास्ताविक केले. कार्यक्रमाच्या आयोजनात कार्याध्यक्ष उद्योजक शरद पाटील, सचिव शंकर पाटील, सल्लागार उद्योजक पंकज निकम, उपाध्यक्ष शिवाजी पाटील, संचालक मोतीलाल भामरे, प्रदीप शिरसाठ आणि सर्व पदाधिकारी, कार्यकर्ते, सभासद यांनी मोलाची साथ दिली.

तसेच, खान्देशातील अहिराणी कलाकारांनी सांस्कृतिक कार्यक्रमाच्या माध्यमातून उपस्थितांचे मनोरंजन केले.

युवा उद्योजक प्रशिक्षण केंद्र पुणे

आभार प्रदर्शन:

कार्यक्रमाच्या समारोपानंतर आभार प्रदर्शन मंडळाचे सचिव शंकर पाटील यांनी केले. कार्यक्रमाचे सूत्रसंचालन कुणाल वाघ यांनी केले.

या कार्यक्रमाने समाजातील विविध क्षेत्रातील लोकांना एकत्र आणले आणि सामूहिक जिद्द आणि प्रेरणादायक कार्यप्रदर्शनाचे प्रतीक ठरले.