” उपमुख्यमंत्री अजित पवारांचा वाढदिवस झाला समाजासाठी संकल्प – वृक्षारोपण, रक्तदान आणि रोजगार!”

पिंपरी (२४ जुलै २०२५) – महाराष्ट्र राज्याचे उपमुख्यमंत्री अजित पवार यांच्या वाढदिवसानिमित्त राष्ट्रवादी काँग्रेस पार्टी, पिंपरी-चिंचवड शहराच्यावतीने विविध सामाजिक उपक्रमांनी उत्साहात कार्यक्रमांचे आयोजन करण्यात आले. यामध्ये रोजगार मेळावा, वृक्षारोपण, रक्तदान, कला व क्रीडा स्पर्धा यांचा समावेश होता.

🚀 426 बेरोजगारांना ऑन-द-स्पॉट नोकऱ्या

पिंपरीत भरविण्यात आलेल्या भव्य रोजगार व मार्गदर्शन मेळाव्यात तब्बल ४२६ पदवीधरांना ऑन दी स्पॉट ऑफर लेटर देण्यात आले. १५०० पेक्षा अधिक युवकांनी थेट मुलाखती दिल्या, तर २८०० पेक्षा अधिक तरुणांनी ऑनलाइन नोंदणी केली. योगेश बहल यांच्या पुढाकाराने झालेल्या या उपक्रमामुळे हजारो बेरोजगारांना रोजगाराच्या संधी उपलब्ध झाल्या.

🌱 शहरभरात वृक्षारोपणाचा उत्साह

अजितदादा पवार यांच्या वाढदिवसानिमित्त पिंपरी-चिंचवड शहरात विविध ठिकाणी वृक्षारोपण करण्यात आले. बी.डी. किल्लेदार उद्यान, इंद्रायणीनगर, वाल्हेकरवाडी, पिंपळे सौदागर, थेरगाव, नवी सांगवी यांसह अनेक भागांमध्ये हजारो वृक्ष लावण्यात आले. शहराध्यक्ष योगेश बहल आणि विरोधी पक्षनेते विठ्ठल उर्फ नाना काटे यांच्या नेतृत्वात शहरातील पदाधिकारी आणि कार्यकर्त्यांनी सहभाग नोंदविला.

🩸 रक्तदान शिबिरात १५००+ रक्तदात्यांचा सहभाग

पिंपळे सौदागर, नवी सांगवी, रहाटणी, थेरगाव येथे एकूण ४ भव्य रक्तदान शिबिरे घेण्यात आली. या शिबिरांमध्ये एकूण १५५० पेक्षा अधिक रक्तदात्यांनी रक्तदान करून समाजासाठी आपले योगदान दिले.

♟️ बुद्धिबळ व कॅरम स्पर्धेत नवोदित चमकले

राजेश बहल स्पोर्ट्स फाउंडेशन आणि पिंपरी चेस असोसिएशन यांच्या सहकार्याने बुद्धिबळ आणि कॅरम स्पर्धा आयोजित करण्यात आली. विविध वयोगटांतील ३१० बुद्धिबळपटू आणि १३६ कॅरम खेळाडूंनी सहभाग घेतला. आदित्य जोशी, रहीम खान, श्रावणी उंडाळे यांसारख्या खेळाडूंनी विजेतेपद पटकावले.

🎨 विद्यार्थ्यांसाठी चित्रकला स्पर्धा व गुणवंतांचा सत्कार

प्रेरणा माध्यमिक विद्यालयात चित्रकला स्पर्धेचे आयोजन करण्यात आले. तसेच थेरगाव परिसरातील इ.१० वी आणि १२ वी मध्ये यशस्वी ठरलेल्या गुणवंत विद्यार्थ्यांचा गौरव व सत्कार करण्यात आला.

🎁 शालेय साहित्य वाटप आणि प्रशिक्षण उपक्रम

संत तुकारामनगर येथील आण्णाभाऊ साठे शाळेत विद्यार्थ्यांना शालेय साहित्याचे वाटप करण्यात आले. तसेच महिलांसाठी कार ट्रेनिंग व टू व्हीलर लायसन्स उपक्रम देखील राबविण्यात आला. वाहतूक विभागाच्या वतीने मोफत पीयूसी तपासणी देखील करण्यात आली.