“”भाजपचा मास्टरस्ट्रोक! पिंपरी चिंचवडमध्ये १४ मंडल अध्यक्षांची घोषणा”

भाजप मंडल अध्यक्ष निवड

पिंपरी चिंचवड भाजप संघटनेत नवा उत्साह; १४ मंडल अध्यक्षांची निवड, पक्ष संघटना बळकट करण्यास गती

पिंपरी चिंचवड, २० एप्रिल – भारतीय जनता पार्टी, पिंपरी चिंचवड शहर संघटनेच्या नव्या पर्वात रविवारी १४ मंडल अध्यक्षांची घोषणा करण्यात आली. या निवडीमुळे पक्षसंघटनेत नवचैतन्याचे वातावरण निर्माण झाले असून, स्थानिक स्तरावर कार्यक्षमता वाढवण्यासाठी भाजपने नव्या नेतृत्वाला जबाबदारी दिली आहे.

या निवडीचे नेतृत्व भाजप शहराध्यक्ष व आमदार शंकर जगताप यांनी केले. चिंचवड, पिंपरी आणि भोसरी या तीन प्रमुख विधानसभा मतदारसंघांतील विविध भागांतील मंडलांसाठी नवीन अध्यक्षांची निवड करण्यात आली. ही निवड संघटन पर्वाच्या तिसऱ्या टप्प्याचा एक भाग आहे. याअंतर्गत प्राथमिक सदस्य नोंदणी, सक्रिय सदस्य व बूथ कमिटी नंतर मंडल अध्यक्षांची निवड करण्यात आली.

नवीन मंडल अध्यक्षांची नावे खालीलप्रमाणे :

चिंचवड विधानसभा मतदारसंघ

मोहन राऊत (रावेत – वाल्हेकरवाडी)

हर्षद नढे (चिंचवड – काळेवाडी)

सनी बारणे (थेरगाव – वाकड)

सोमनाथ तापकीर (रहाटणी – पिंपळे सौदागर)

गणेश ढोरे (सांगवी – पिंपळे गुरव)

पिंपरी विधानसभा मतदारसंघ

जयदीप खापरे (प्राधिकरण – चिंचवड)

धरम वाघमारे (आकुर्डी गाव – शाहूनगर)

मंगेश धाडगे (संत तुकाराम नगर – खराळवाडी – कासारवाडी)

अनिता वाळुंजकर (फुगेवाडी – दापोडी – बोपखेल)

भोसरी विधानसभा मतदारसंघ

ऍड. योगेश सोनवणे (चिखली – कृष्णानगर)

रामदास कुटे (तळवडे – यमुनानगर)

अजित बुर्डे (मोशी – चऱ्होली)

अमोल डोळस (दिघी – गवळीनगर – गव्हाणे वस्ती)

शिवराज सुदाम लांडगे (धावडे वस्ती – इंद्रायणीनगर – नेहरूनगर)

या कार्यक्रमात आमदार महेश लांडगे, उमा खापरे, अमित गोरखे, माजी महापौर नितीन काळजे, प्रदेश पदाधिकारी, महिला मोर्चा नेत्या, विविध मंडळांचे कार्यकर्ते व इतर प्रमुख नेतेमंडळी मोठ्या संख्येने उपस्थित होते.

भाजपच्या संघटनात्मक कार्यपद्धतीनुसार, ही निवड प्रक्रिया लोकशाही मार्गाने पार पडली असून, नव्या अध्यक्षांकडून स्थानिक विकास, बूथ मजबूत करणे, कार्यकर्त्यांचे सक्षमीकरण आणि जनतेच्या प्रश्नांवर तत्परतेने काम करण्याची अपेक्षा व्यक्त करण्यात आली.

> "या निवडीमुळे पक्षाला नवी दिशा मिळेल. नव्या नेतृत्वाखाली संघटना अधिक बळकट होईल. कार्यकर्त्यांचा उत्साह वाढेल आणि जनतेच्या समस्या सोडवण्यासाठी अधिक परिणामकारक कामगिरी होईल,"
— आ. शंकर जगताप, शहराध्यक्ष, भाजप पिंपरी चिंचवड