“पिंपरी चिंचवड महापालिका आरोग्य वेबिनार मध्ये ३५० हून अधिक डॉक्टरांचा सहभाग; डेंग्यू, मलेरिया यांसारख्या आजारांवर प्रभावी नियंत्रणासाठी समन्वित उपाययोजना”
पिंपरी, १४ जून २०२५ : “शहरातील प्रत्येक नागरिकाचे आरोग्य सुरक्षित ठेवणे हे आपले सामूहिक उद्दिष्ट आहे” — असे प्रतिपादन पिंपरी चिंचवड महापालिका आयुक्त शेखर सिंह यांनी पावसाळी आजारांविरोधात जागरूकता वाढवण्यासाठी आयोजित ‘पिंपरी चिंचवड महापालिका आरोग्य वेबिनार’ मध्ये केले.
या मान्सूनपूर्व वेबिनार मध्ये ३५० हून अधिक खासगी डॉक्टरांनी उत्स्फूर्त सहभाग नोंदवला. वेबिनारचे आयोजन पिंपरी चिंचवड महानगरपालिका, IMA-PCB, PCDA, आणि NIMA यांच्या संयुक्त विद्यमाने करण्यात आले होते.
✅ त्रिसूत्री उपाय: Check, Clean, Cover
आयुक्त शेखर सिंह यांनी सांगितले की, “पावसाळ्यात डेंग्यू, मलेरिया, चिकनगुनिया यांसारख्या संसर्गजन्य आजारांचे प्रमाण वाढते. त्यामुळे डॉक्टरांनी रुग्णांपर्यंत ‘Check, Clean, Cover’ ही त्रिसूत्री प्रभावीपणे पोहोचवावी.”
ते पुढे म्हणाले, “शहरातील प्रत्येक नागरिकाचे आरोग्य टिकवण्यासाठी महापालिका व वैद्यकीय क्षेत्राने संयुक्तपणे काम करणे गरजेचे आहे.”
👨⚕️ रोगांवरील सखोल मार्गदर्शन
या पिंपरी चिंचवड महापालिका आरोग्य वेबिनार मध्ये डॉ. दीपक साळुंखे यांनी डेंग्यू, मलेरिया आणि चिकनगुनिया यांसारख्या आजारांबाबत मार्गदर्शन केले. त्यांनी रोगांची लक्षणे, प्रतिबंधक उपाययोजना, क्लिनिक पातळीवरील काळजी आणि रिपोर्टिंग यंत्रणा यावर प्रकाश टाकला.
प्रश्नोत्तर सत्रात डॉक्टरांनी आपले शंका मांडल्या आणि त्यांचे निरसन करण्यात आले.
👏 महत्वाच्या व्यक्तींचा सहभाग
कार्यक्रमाचे स्वागत डॉ. अंजली ढोणे यांनी, प्रास्ताविक डॉ. लक्ष्मण गोफणे यांनी, तर आभारप्रदर्शन डॉ. वर्षा डांगे यांनी केले.
या उपक्रमासाठी आयुक्त शेखर सिंह, अतिरिक्त आयुक्त विजयकुमार खोराटे, तसेच डॉ. अभयचंद्र दादेवार, डॉ. श्रीकांत सुपेकर यांच्यासह अनेक आरोग्य अधिकाऱ्यांनी परिश्रम घेतले.
