पिंपरी-चिंचवड | प्रतिनिधी
महानगरपालिका निवडणुकीच्या पार्श्वभूमीवर प्रभाग क्रमांक 14 मधून राष्ट्रवादी काँग्रेस पक्षातर्फे सौ. अरुणाताई गणेश लंगोटे यांनी आपला AB फॉर्म यशस्वीरित्या भरला आहे. या प्रक्रियेमुळे प्रभागातील राजकीय हालचालींना वेग आला असून, राष्ट्रवादी काँग्रेस पक्षाच्या कार्यकर्त्यांमध्ये उत्साहाचे वातावरण निर्माण झाले आहे.
AB फॉर्म दाखल होणे हा निवडणूक प्रक्रियेतील अत्यंत महत्त्वाचा टप्पा मानला जातो. सौ. लंगोटे यांच्या उमेदवारीमुळे प्रभाग क्रमांक 14 मध्ये संघर्ष, विश्वास आणि विकासाच्या मुद्द्यांवर आधारित सक्षम नेतृत्व उभे राहत असल्याची भावना नागरिकांमध्ये व्यक्त होत आहे.
या वेळी पक्षाचे पदाधिकारी, कार्यकर्ते आणि समर्थक मोठ्या संख्येने उपस्थित होते. “जनतेच्या विश्वासाला बळ देणारा हा क्षण असून, प्रभागाच्या सर्वांगीण विकासासाठी आम्ही कटिबद्ध आहोत,” अशी प्रतिक्रिया यावेळी उपस्थित नेत्यांनी व्यक्त केली.
आगामी निवडणुकीत विकासाभिमुख राजकारण, नागरिकांच्या समस्या आणि मूलभूत सुविधांवर भर देत राष्ट्रवादी काँग्रेस पक्ष प्रभाग क्रमांक 14 मध्ये प्रभावीपणे निवडणूक लढवणार असल्याचे संकेत यानिमित्ताने मिळाले आहेत.
