सोसायटी, व्यापारी व नागरिकांशी थेट संवाद; भाजप पॅनलच्या प्रचाराला सकारात्मक प्रतिसाद
पिंपरी-चिंचवड | प्रतिनिधी :
प्रभाग क्रमांक ११ मध्ये भाजपकडून अधिकृतपणे मैदानात उतरलेल्या पॅनलचा प्रचार सध्या वेग घेत असून, सामाजिक कार्यकर्ते व लोकनेते निलेश नेवाळे यांच्या नेतृत्वाखाली एकसंघ आणि नियोजित प्रचार मोहीम राबवली जात आहे.
या प्रचारादरम्यान भाजप पॅनलने सोसायटी परिसर, मुख्य बाजारपेठा, व्यापारी संघटना आणि नागरिकांशी थेट संवाद साधत आपल्या विकासात्मक भूमिकेची माहिती दिली. रस्ते, वाहतूक नियोजन, स्वच्छता, पाणीपुरवठा, आरोग्य सेवा, उद्याने तसेच महिला व युवकांसाठी सुविधा उभारणी हे प्रमुख मुद्दे या संवादात मांडण्यात आले.
निलेश नेवाळे म्हणाले, “प्रभाग ११ चा सर्वांगीण विकास हाच आमचा एकमेव अजेंडा आहे. नागरिकांच्या समस्या केवळ निवडणुकीपुरत्या न ठेवता सातत्याने सोडवण्याचा आमचा प्रयत्न राहील.”
त्यांनी पुढे सांगितले की, राजकारण हे सेवा कार्याचे माध्यम असून विश्वासार्ह आणि काम करणारे नेतृत्व देणे हीच भाजप पॅनलची भूमिका आहे.
या निवडणुकीत भाजपकडून कुंदन गायकवाड, योगिता नागरगोजे, रिटा सानप आणि निलेश नेवाळे हे उमेदवार एकत्रित पॅनल म्हणून निवडणुकीच्या रिंगणात उतरले आहेत. पॅनलच्या एकसंघ प्रचारामुळे आणि स्पष्ट विकासदृष्टीमुळे नागरिकांमध्ये सकारात्मक वातावरण निर्माण झाले असून, व्यापारी, महिला आणि तरुण वर्गातून चांगला प्रतिसाद मिळत आहे.
प्रभाग ११ मध्ये भाजप पॅनलच्या या आक्रमक आणि नियोजनबद्ध प्रचारामुळे राजकीय हालचालींना वेग आला असून, येणाऱ्या दिवसांत प्रचार अधिक प्रभावी होण्याची शक्यता व्यक्त केली जात आहे.
