प्रभाग कमांक २५ आणि पिंपरी चिंचवड महापालिकेत १०० % “कमळ” फुलणार, राहुल कलाटे यांना विश्वास
महापालिका निवडणूक प्रचारात प्रभाग २५ मधून भाजपची आघाडी, विकासाला प्राधान्य देण्याची भाजपची ठाम भूमिका
वाकड, १२ जानेवारी :
पिंपरी चिंचवड महानगरपालिकेतील प्रभाग २५ मध्ये भाजप उमेदवारांनी प्रचारात निर्णायक आघाडी घेतली असून वाकड ताथवडे पुनावळे भागात भाजप उमेदवार विकासाच्या अजेंड्यावरच मांडणी करत असून विविध ठिकाणी नागरिकांच्या प्रश्नांना उत्तर देत संवाद साधत आहेत. प्रभागातील सोसायट्या आणि वस्ती भागातही नागरिकांचा भाजप आणि मुख्यमंत्री देवेंद्र फडणवीस यांच्या नेतृत्वाला वाढता पाठींबा पाहता, प्रभागात आणि पिंपरी चिंचवड महापालिकेत शंभर टक्के कमळ फुलणार असल्याची भावना भारतीय जनता पक्षाचे प्रभाग २५ चे अधिकृत उमेदवार राहुल कलाटे यांनी व्यक्त केली आहे. पिंपरी चिंचवड महापालिका निवडणुकीचा प्रचार आता अंतिम टप्प्यात असून, १५ जानेवारी रोजी मतदान होणार आहे. सर्वच प्रभागातील उमेदवारांनी आपल्या पक्षाचा प्रचार चालवला असून, प्रभाग क्रमांक २५ मधील प्रचाराची मात्र अधिक चर्चा आहे. कारण
प्रभाग क्रमांक २५ मधील भाजपा आरपीआय महायुतीचे उमेदवार सातत्याने विकासाच्या मुद्द्यांवर प्रचार करत आहेत. या प्रभागातून राहुल कलाटे यापूर्वी नगरसेवक राहिले असल्याने केलेल्या विविध विकासकामांची माहिती देत, राहुल कलाटे यांनी प्रचारात आघाडी घेतल्याचे दिसून येत आहे. त्याचप्रमाणे या प्रचाराप्रसंगी प्रभाग क्रमांक २५ मधील भाजपचे अधिकृत उमेदवार कुणाल वाव्हळकर, रेश्मा चेतन भुजबळ, श्रुती राम वाकडकर देखील राहुल कलाटे यांच्या उपस्थितीत विकासकामांच्या विषयांवरच जनतेशी संवाद साधताना दिसत आहेत. नागरिकही त्यांच्या या भूमिकेबद्दल सकारात्मक असून “विकासच हवा आणि फक्त भाजपच विकास करू शकते” असा विश्वास व्यक्त करत आहेत.
महापालिका निवडणूक ही जनतेच्या विश्वासावर, यापूर्वी लोकप्रतिनिधी म्हणून केलेल्या विकासकामावर आणि येत्या काळात करायच्या प्रभागाच्या विकासावरच व्हावी असा आमचा मानस असल्याची भावना या चारही उमेदवारांनी व्यक्त केली आहे. तर आमचा प्रभाग विकासाचे मॉडेल बनून समोर येत आहे, येत्या काळात आपल्याला देवेंद्रभाऊंच्या साथीने आमूलाग्र बदल दिसेल असे प्रतिपादन करत “कलाटे म्हणजे कमळ, वाकड म्हणजे कमळ असेच भविष्य असेल” असे म्हणत राहुल कलाटे यांनी आपली भविष्याची राजकीय दिशा स्पष्ट केली. भूलथापांना, खोट्या प्रचाराला बळी पडू नका असेही आवाहन त्यांनी केले.
“मुख्यमंत्री देवेंद्र फडणवीस यांच्या नेतृत्वाखाली आणि आमचे अध्यक्ष रवींद्रभाऊ चव्हाण यांच्या मार्गदर्शनाखाली प्रभाग क्रमांक २५ मध्ये ‘कमळ’ फुलणार असून, पिंपरी चिंचवड महापालिकेतही भाजपची बहुमताने सत्ता येईल. येत्या निवडणुकीत वाकड म्हणजे ‘कमळ’, ताथवडे म्हणजे ‘कमळ’, पुनावळे म्हणजे ‘कमळ’ असे चित्र पाहायला मिळेल! यापुढे जाऊन सांगतो, भुजबळ म्हणजे कमळ, वाव्हळकर म्हणजे कमळ, वाकडकर म्हणजे कमळ आणि कलाटे म्हणजेही कमळच
! जनतेचा आशीर्वाद आम्हाला मिळेल, याबाबत खात्री आहे.”
– राहुल कलाटे (भाजपा उमेदवार, प्रभाग क्रमांक २५)
>>>
कुणाल वाव्हळकर
भाजपा हा प्रत्येक कार्यकर्त्याला समान संधी आणि न्याय देणारा पक्ष आहे. त्यामुळे महापालिका निवडणुकीत भारतीय जनता पक्ष- आरपीआय युतीसाठी विकास, विश्वास आणि जनतेचा आशीर्वाद ह्याच जमेच्या बाजू असणार आहेत. भाजपचे शहरासाठीचे व्हिजन आणि मिशन त्याचप्रमाणे राहुलदादा कलाटे यांचा प्रभागातील दांडगा जनसंपर्क या बळावर प्रभाग क्रमांक २५ मध्ये भाजपचा विजय निश्चित आहे.
रेश्मा चेतन भुजबळ
आज प्रभागासह शहरातील जनतेसाठी विश्वासाचे नाव भाजप आहे. मुख्यमंत्री देवेंद्र फडणवीस यांचे नेतृत्व आणि आजवर शहरात झालेली विकासकामे हीच भाजपच्या यशाची खात्री असून, निवडणूक प्रचारादरम्यान नागरिकांनी व्यक्त केलेल्या भावना आणि विजयासाठी दिलेले आशीर्वादच, प्रभागात भाजपाची ताकद दाखवत आहेत.
श्रुती राम वाकडकर
मुख्यमंत्री देवेंद्र फडणवीस यांच्या नेतृत्वाखालील राज्य सरकारच्या लाडकी बहिण योजनेसारख्या असंख्य योजना, खऱ्या अर्थाने प्रभाग क्रमांक २५ मध्ये भाजपला आशीर्वाद देतील, याबाबत उमेदवार म्हणून आम्हाला खात्री आहे. कारण भाजपचे काम बोलते. निवडणूक प्रचारादरम्यान नागरिकांच्या भावना आणि मिळालेला प्रतिसाद, येणाऱ्या निवडणुकीत ‘कमळ’ चिन्हाला मिळालेले पाठबळ ठरणार आहे.
