पीसीयू येथे टेक युअर चान्स – टेक्निऑन २०२६ महोत्सव संपन्न
पिंपरी, पुणे (दि. ११ मार्च २०२६) विद्यार्थ्यांनी केवळ सैद्धांतिक शिक्षणापुरते मर्यादित राहू नये. अनुभव आधारित नव उपक्रम, नव संकल्पना सादर केल्या पाहिजेत यासाठी पिंपरी चिंचवड विद्यापीठाच्या वतीने (पीसीयू) सुरू करण्यात आलेला.
“टेक युअर चान्स – टेक्निऑन २०२६” हा महोत्सव म्हणजे एक सर्वसमावेशक, मार्गदर्शक, उत्कृष्ट व्यासपीठ आहे. यामध्ये प्रयोग करा, स्पर्धा करा, नव कल्पना साकार करा आणि नेतृत्व घ्या हा मुख्य उद्देश आहे. आपली आवड आणि नवीन कल्पना प्रत्यक्ष कृती मध्ये ही एक मोठी संधी आहे, असे प्रतिपादन पीसीयूचे कुलगुरू डॉ. संतोष सोनवणे यांनी केले.
पिंपरी चिंचवड एज्युकेशन ट्रस्टच्या पिंपरी चिंचवड विद्यापीठ (पीसीयू) साते, वडगाव मावळ येथे स्कूल ऑफ इंजिनिअरिंग अँड टेक्नॉलॉजी (एसओइटी) तर्फे “टेक युअर चान्स – टेक्निऑन २०२६” तांत्रिक महोत्सवाचे आयोजन करण्यात आले होते.
यावेळी कुलसचिव डॉ. अनिल महेश्वरी, प्र-कुलगुरू डॉ. सुदीप थेपडे, आऊटरीच अँड ॲडमिशन्स संचालक डॉ. रामदास बिरादार, स्टुडंट डेव्हलपमेंट अँड वेलफेअर संचालक डॉ. अंजू बाला, इंडस्ट्री–इन्स्टिट्यूट इंटरॲक्शन सेलचे संचालक डॉ. प्रणव चरखा आदी उपस्थित होते.
टेक्निऑन २०२६ मध्ये संगणक प्रोग्रामिंग प्रकल्प, मूलभूत विज्ञान, अभियांत्रिकी मॉडेल्स, हार्ड मॉडेल सादरीकरण, पोस्टर प्रेझेंटेशन्स अशा विविध तांत्रिक स्पर्धा व प्रदर्शन आयोजित केले होते. यामध्ये नव कल्पना, कौशल्य, स्पर्धात्मक, सर्जनशीलता, विश्लेषणात्मक विचारसरणी आणि वास्तव जीवनातील समस्यांवर आधारित उपाय असलेले प्रकल्प विद्यार्थ्यांनी सादर केले. त्यापैकी ‘रोबो हर्डलेक्स मिशन डिझाइन अँड प्लॉट’ यामधील सहभागी विद्यार्थ्यांनी रोबोट डिझाइन काढणे, तयार करणे आणि ते नियंत्रित करण्याचे काम करणे
असे प्रकल्प सादर केले.महोत्सवाचा संदेश विद्यार्थ्यांना “आपल्या संधी घ्या” – प्रयोग करा, स्पर्धा करा, नवकल्पना करा आणि नेतृत्व करा असा होता.
टेक्निऑन २०२६ मध्ये विविध तांत्रिक क्षेत्रातील ७३० विद्यार्थ्यांनी सहभाग घेतला. एकूण २१० विद्यार्थ्यांनी संगणक प्रोजेक्ट्स, १५५ विद्यार्थ्यांनी पोस्टर प्रेझेंटेशन, १२५ विद्यार्थ्यांनी हार्ड मॉडेल प्रोजेक्ट्स आणि २४० विद्यार्थ्यांनी बेसिक सायन्स आणि इंजिनिअरिंग प्रोजेक्ट्स प्रदर्शित केले. विद्यार्थ्यांची रचनात्मकता, विश्लेषणात्मक विचार करण्याची क्षमता विकसित होते असे डॉ. प्रा. रामदास बिरादार यांनी सांगितले.
पीसीईटीचे अध्यक्ष ज्ञानेश्वर लांडगे, उपाध्यक्ष पद्माताई भोसले, सचिव विठ्ठल काळभोर, खजिनदार शांताराम गराडे, विश्वस्त तथा पीसीयू कुलपती हर्षवर्धन पाटील, उद्योजक नरेंद्र लांडगे, अजिंक्य काळभोर, कार्यकारी संचालक डॉ. गिरीश देसाई यांनी आयोजक, समन्वयक आणि मार्गदर्शकांचे कौतुक केले.
