व्ही. एस. रेसिडेन्सीतील झाडांच्या फांद्या कापण्याचा प्रश्न मार्गी- ज्ञानेश्वर जगताप

नवनिर्वाचित नगरसेवकांच्या तत्परतेने संभाव्य अपघाताचा धोका टळला

पिंपरी, २० जानेवारी (प्रतिनिधी) : पिंपळे गुरव प्रभाग क्रमांक 31 मधील नवनिर्वाचित नगरसेवकांनी कामाचा धडाका लावला आहे. काटे चौक येथील व्ही. एस. रेसिडेन्सी सोसायटीमध्ये गेल्या अनेक दिवसांपासून झाडांच्या फांद्या कापण्याचे काम प्रलंबित होते . फांद्या रस्त्यावर व वीजवाहिन्यांवर झुकल्याने नागरिकांना अडचणी येत होत्या. नागरिकांच्या तक्रारीनंतर तातडीने येथील झाडांच्या फांद्या कापण्यात आल्या असे नगरसेवक ज्ञानेश्वर जगताप यांनी सांगितले.

प्रभाग क्रमांक ३१ चे नवनिर्वाचित नगरसेवक ज्ञानेश्वर जगताप, नवनाथ जगताप आणि पल्लवीताई जगताप यांनी पदभार स्वीकारताच येथील नागरिकांच्या प्रश्नाची दखल घेत संबंधित महापालिका विभागाशी समन्वय साधला. त्यांच्या पाठपुराव्यामुळे झाडांच्या फांद्या कापण्याचे काम तातडीने पूर्ण करण्यात आले.

या कारवाईमुळे परिसरातील नागरिकांना दिलासा मिळाला असून संभाव्य अपघाताचा धोका टळला आहे. या कामाबद्दल सोसायटीतील सागर अहिरे, अजय शितोळे, सचिन गरुड, नागवडे काका यांनी नगरसेवकांचे आभार मानले.