बजरंग दल रेकॉर्डब्रेक !सोशल मीडियावर हिंदू तरुणांचा उत्साह शिगेला
आमदार महेश लांडगे यांचे गर्जनादायी भाषण
– पिंपरी-चिंचवड | प्रतिनिधी
हिंदू नववर्ष गुढीपाडवा निमित्त आंबेगाव तालुक्यातील मंचर येथे आयोजित भव्य शोभायात्रेने पश्चिम महाराष्ट्रात नवा इतिहास रचला. 30 हजाराहून अधिक हिंदू बांधव आणि भगिनींच्या सहभागाने हिंदूत्त्वाचा अभूतपूर्व जागर झाला. या शोभायात्रेत खासदार, आमदारांसह विविध हिंदू संघटनांचे कार्यकर्ते मोठ्या संख्येने सहभागी झाले होते. विशेष म्हणजे या शोभायात्रेत आमदार महेश लांडगे यांनी दिलेल्या प्रभावी भाषणाने वातावरण भारावून गेले.
शोभायात्रेतील ऐतिहासिक क्षण सोशल मीडियावर प्रचंड व्हायरल होत असून हिंदूत्त्ववादी तरुणांनी #गुढीपाडवा2025, #हिंदूशक्ती, #शोभायात्रा अशा ट्रेंडद्वारे या उत्सवाचा गजर देशभर पसरवला आहे.
हे ही वाचावे
शोभायात्रेचा ऐतिहासिक प्रवास
श्रीराम मंदिर, बाजारपेठ, मंचर येथून काढण्यात आलेल्या शोभायात्रेची सुरुवात महाआरतीने झाली. यंदा या शोभायात्रेचे २१वे वर्ष होते. हिंदू संस्कृतीच्या सन्मानार्थ ध्वज पूजन आणि शस्त्र पूजनानंतर यात्रेने मार्गक्रमण केले. छत्रपती शिवाजी महाराज चौक येथे या यात्रेचा समारोप झाला. यात्रा मार्गावर हजारो भाविकांनी रांगोळ्या, फुलांची सजावट, दीप प्रज्वलन यांद्वारे भक्तिमय वातावरण निर्माण केले होते.
आमदार महेश लांडगे यांचे गर्जनादायी भाषण
शोभायात्रेत आमदार महेश लांडगे यांना विशेष अतिथी म्हणून निमंत्रित करण्यात आले होते. आपल्या भाषणात त्यांनी हिंदूत्त्वाच्या जागृतीवर भर देत स्पष्ट संदेश दिला –
“देश की रक्षा कौन करेगा..? जय श्रीराम, जय शिवराय! हिंदू माता-भगिनींकडे वाकड्या नजरेने पाहणाऱ्या प्रवृत्तींचे समूळ उच्चाटन झाले पाहिजे. आज हिंदू तरुण एकवटत आहेत, ही भगव्या झेंड्याची ताकद आहे!”
त्यांच्या या भाषणाने उपस्थित तरुणांमध्ये उत्साह संचारला आणि जयघोषांनी संपूर्ण परिसर दणाणून गेला.
शोभायात्रेतील विशेष आकर्षण
छत्रपती शिवाजी महाराज, संभाजी महाराज, डॉ. बाबासाहेब आंबेडकर यांचे भव्य चित्ररथ.
भगवान शंकराचा नंदी, श्रीराम भक्त हनुमान यांची भव्य मूर्ती.
विद्युत रोषणाईने सजवलेले ऐतिहासिक चित्ररथ.
मर्दानी खेळ व युद्धकलेचे थरारक सादरीकरण.
धर्मवीर चंद्रशेखर आन्ना बाणखेले स्मृतिरथ.
"विश्व हिंदू परिषद आणि बजरंग दलाच्या माध्यमातून काढण्यात आलेली शोभायात्रा ही एक ऐतिहासिक घटना आहे. या यात्रेमुळे नव्या पिढीमध्ये धर्म, संस्कृती, परंपरा जपण्याचा जागर झाला आहे. ही यात्रा केवळ परंपरा नव्हे, तर हिंदू ऐक्याची साक्ष आहे." आमदार महेश लांडगे, भाजपा, पिंपरी-चिंचवड
