“विकास, संघटन आणि विजयाचा निर्धार; पडळकरांच्या उपस्थितीत प्रभाग ११ मध्ये शक्तिप्रदर्शन”
पिंपरी-चिंचवड | प्रतिनिधी :
पिंपरी-चिंचवड महानगरपालिका सार्वत्रिक निवडणूक २०२६ च्या पार्श्वभूमीवर प्रभाग क्रमांक ११ मध्ये भारतीय जनता पक्षाच्या अधिकृत उमेदवारांच्या प्रचारार्थ भव्य जाहीर सभेचे आयोजन करण्यात आले आहे. ही जाहीर सभा शनिवार, दि. १० जानेवारी २०२६ रोजी सायंकाळी ७ वाजता चिखली येथील म्हेत्रे उद्यान येथे संपन्न होणार आहे.
या जाहीर सभेला आमदार श्री. गोपीचंदजी पडळकर यांची प्रमुख उपस्थिती लाभणार असून, त्यांच्या आक्रमक आणि स्पष्ट विचारांच्या भाषणातून कार्यकर्ते व नागरिकांमध्ये नवचैतन्य निर्माण होणार आहे. भाजपाच्या विकासाभिमुख धोरणांचा लेखाजोखा मांडत, शहराच्या सर्वांगीण प्रगतीसाठी भाजपाच सक्षम पर्याय असल्याचा ठाम संदेश या सभेतून दिला जाणार आहे.
प्रभाग ११ अंतर्गत येणाऱ्या नेवाळेवस्ती, हरगुडवस्ती, कुदळवाडी भाग, कृष्णानगर, शरदनगर, कोयनानगर, महात्मा फुलेनगर, पूर्णानगर, शिवाजीनगर, पवारवस्ती, शिवतेजनगर, घरकुल, अजंठा नगर, दुर्गानगर, भीमरावनगर या परिसरातील नागरिकांनी मोठ्या संख्येने उपस्थित राहण्याचे आवाहन करण्यात आले आहे.
या प्रभागातून भाजपाचे अधिकृत उमेदवार प्रमाण क्रमांक ११ – कमळ चिन्ह घेऊन मतदारांच्या सेवेसाठी सज्ज झाले असून, “तुमची आमची भाजपा सर्वांची” या भावनेतून भाजपाला प्रचंड बहुमत मिळवून देण्याचा निर्धार व्यक्त करण्यात येत आहे.
दरम्यान, गुरुवार, दि. १५ जानेवारी २०२६ रोजी सकाळी ७.३० ते सायंकाळी ५.३० वाजेपर्यंत मतदान होणार असून, मतदारांनी कमळ चिन्हासमोरील बटन दाबून भाजपाच्या सर्व उमेदवारांना विजयी करण्याचे आवाहन करण्यात आले आहे.
